Maouez

Diwar Wikipedia, an holloueziadur digor

Maouezed liesseurt

Ar maouezed (pe merc'hed) eo ar rann eus gouenn an dud a c'hall dougen bugale, hag a zo brasoc'h o niver eget hini ar rann all, ar wazed (pe ar baotred), war an douar.

Taolenn

1 Ar benvegad engehentiñ
2 Korfadurezh
3 Ar merc'hed er gevredigezh
4 Gerioù all
5 Da lenn

[kemmañ] Ar benvegad engehentiñ

E benvegad engehentiñ emañ:

ar forz (ferzier el liester), ennañ ar muzelloù (reizh)-traoñ, an ellig, hag ar c'han-troazhañ)
ar gouhin, zo benveg ar parañ,
ar mammog, zo un benvegad a ziwall ar grouell, ha war un dro ur gigenn a labour da vountañ ar bugel e-maez korf e vamm da vare ar gwilioud
ar vielloù, a daol hormonoù, ha gametoù (anvet vioù) a ya da veskañ gant gametoù ar baotred (sper) a-benn engehentañ...

Benvegad gouennañ

1 = trompilhoù Fallopia
2 = ar c'hwezhigell
3 =
4 =
5 =
6 = ar c'han-troazhañ
7 =
8 = Ar vielloù
10 =
12 =
13 =
14 =

[kemmañ] Korfadurezh

Ar par eo ar paotr, pe ar gwaz, ar barez eo ar verc'h, pe ar vaouez.

Bihanoc'h e vez ar merc'hed eget ar baotred peurvuiañ, ha n'eo ket ken kreñv o c'higennoù. Dre-se e vezont skañvoc'h.
Nebeutoc'h a vlev zo war o dremm hag o c'horf.
Uheloc'h eo mouezh ar merc'hed eget hini ar baotred.
D'ar verc'h ez eus daou gromozom XX, d'ar paotr daou gromozom XY. Disheñvel eo hormonoù ar verc'h diouzh re ar paotr. Progesteronoù hag oestrogenoù eo hormonoù ar vaouez.
Disheñvel eo benvegad engehentiñ ar verc'h diouzh hini ar paotr, evel evit ar bevien all.
D'an oad kaezour e teu disheñvelderioù all: ment ar bronnoù, ledander an divlez.

[kemmañ] Ar merc'hed er gevredigezh

Abaoe ar ragistor ez eo bet lakaet ar merc'hed, evel ar baotred, en ul lec'h resis er gevredigezh.

E kevredigezhioù chaseourien eo ar merc'hed a zastume al louzeier ha frouezh tra ma oa labour ar baotred degas kig, ma kred hiriv da lod eo gant ar merc'hed eo deuet al labour-douar.