Korfadurezh denel

korf mab-den

Ar gorfadurezh denel a zo deskrivadur eus frammadur korf mab-den, eus e organoù hag eus o lec'hiadur.

Taolenn

an Atlas (mell)
Bronn – gwagrenn ar vronn
kavenn ar brusk
12 re gostezennoù, ar seizh kentañ a zo staget ouzh ar glerenn (sternum), an 8vet, 9vet ha 10vet a zo staget ouzh migorn ar 7vet koublad. An 11vet ha 12vet re n'int ket staget ouzh ar glerenn ha graet e vez falskostezennoù anezho.
Klerenn, 3 lod enni : dornell ar glerenn, korf ar glerenn hag al lech.
Skevent, daou zo. Isrannet eo ar skeventenn dehou e teir zolbezenn (tolbezenn draoñ, tolbezenn grenn ha tolbezenn grec'h ar skevent). N'eus nemet div dolbezenn er skeventenn gleiz evit ma chomfe plas evit ar galon. Goloet int o-daou gant ur c'holoenn doubl : ar grezenn a zo etre ar skevent ha kavenn ar brusk. Graet eo ar skevent gant steuñvenn ar skevent hag aerhentoù.
Kalon (cor), graet eo gant gwiad kigennel dreist-holl : ar c'haher kalon (myocardium). Goloet eo gant div c'holoenn : unan doubl, diavaez, an amgalonenn (pericardium), hag unan diabarzh, an enkalonenn (endocardium) a c'holo diabarzh kav ar galon. Roet e vez red ar gwad gant tri zrapig, unan doubl : an trapig mintrek (valva atrioventicularis sinistra), ha daou dric'hement : hini an aortenn hag an hini tribroudek (valva atrioventicularis dextra).

Rannet eo ar galon e daou du : an tu-dehou hag an tu-kleiz. A-gleiz hag en nec'h, ar c'hentez kleiz (atrium sinistrum) ha kofig kleiz ar galon (ventriculus cordis) ; a-zehou hag en traoñ, ar c'hentez dehou (atrium dextrum) ha kofig dehou ar galon.

Poullkreiz (mediastinum), an tachad e kreiz ar brusk. Lec'hiet eo e penn araok al livenn gein ha tu zo e rannañ e div lodenn :
- kavenn araok ha krenn ar poullkreiz (cavum mediastinale anterius et medius), e-lec'h ma vez kavet ar galon
- kavenn adreñv ar poullkreiz (cavum mediastinale posterius)
Treizher (oesophagus)