Cunobelinos
Cunobelinos (Κυνοβελλίνος e gregach) pe Cunobelinus , pe Cunobelin) a oa roue meur Brezhoned bro an Tavoez, e fin ar c'hantved diwezhañ a-raok JK, a-raok an aloubadeg roman. Roue e oa war ar bobl Catuvellauni, a oa o c'hêr-benn e Verulamium, tra ma oa hini ar bobl Trinovantes e Camulodunum. Anavezet eo dre ma'z eo meneget gant Suetonius ha Dio Cassius.
Taolenn |
Istor [kemmañ]
Mab e oa da Tasciovanos, a oa roue war ar Gatuvellauni hag an Drinovantes war un dro. Pa varvas e dad e savas Cunobelinos war gador-roue ar Gatuvellauni hag e embannas e-unan e oa roue-uhel Preden.
Mat a oa e zaremprejoù gant an impalaeriezh roman. Ren a reas betek aloubadeg an impalaer Glaoda Iañ, e 43 kent J.-K.. Hervez Dion Cassius[1] e oa tad Caratacos a gasas ar brezel a-enep lejionoù Aulus Plautius, ha da Dogodumnos, lazhet e-kerzh emgann-veur Medway, e 43.
Deveradur [kemmañ]
Deut eo e anv da vezañ Konvelen e brezhoneg ha Cynfelyn e kembraeg. Eus an anv-se (met douget gant un den all evel-just) e teufe anvioù parrezioù Plougonvelen ha Plougouvelen.
Liammoù diavaez [kemmañ]
- Catuvellauni at Roman-Britain.org
- Catuvellauni at Romans in Britain
- William Smith (ed, 1870), Dictionary of Greek and Roman Biography and Mythology Vol 1 p. 911
Notennoù ha daveennoù [kemmañ]
- ↑ (Istor roman, LX)
