Cumbric

Cumbric ("kumbrieg") a vez lavaret e saozneg eus ar yezh predenek komzet en Hanternoz Kozh Enez Vreizh etre ar V^vet hag an XI^vet kantved. Marvet eo gant lanv an alouberien c’herman, Angled ha Saozon.

Skridoù [kemmañ]

N’anavezer nemet tri ger anezhi kavet e-barzh ur skrid latin, Leges inter Brettos et Scottos: « galnys », « mercheta » ha « kelkyn », a vije « galanas », « merch » ha « cylch » e kembraeg a vremañ, ha « merc'heta » ha « kelc'h(enn) », e brezhoneg evit an daou ziwezhañ. Anvioù-tud zo ivez e Buhez sant Kentigern. El lec’hanvadurezh eo ez eo chomet ar brasañ roud anezhi.

Komzet e veze e rouantelezhioù brezhon an hanternoz kozh, da lavarout eo Rheged, Gododdin ha Strat Clut, e broioù a zo bet lonket gant Bro-Skos pe Bro-Saoz.

Lavaret e vez eo er yezh-se e voe savet oberennoù ar varzhed Taliesin hag Aneurin er VI^vet kantved. Ne vije ket gwall zisheñvel diouzh an hengembraek nag ouzh an henvrezhoneg. Predeneg a vez lavaret a-wechoù eus ar genyezh pe ar skourr yezhoù-se.

Lennadurezh [kemmañ]

(fr) Hervé Abalain, Le Pays de Galles, identité, modernité, Éditions Armeline, Crozon, 2000, (ISBN 2-910878-07-4).
(fr) Myles Dillon, Nora Kershaw Chadwick, Christian-Joseph Guyonvarc'h et Françoise Le Roux, Les Royaumes celtiques, Éditions Armeline, Kraozon, 2001, (ISBN 2-910878-13-9).
(fr) Christian Y. M. Kerboul, Les Royaumes brittoniques au Très Haut Moyen Âge, Coop Breizh, Speied, 1997, (ISBN 2-84346-030-1).
(br) Arzel Even, Istor ar yezhoù keltiek (Histoire des langues celtiques), 2 levrenn, Hor Yezh, Lesneven, 1962.