Broioù al Liger
 |
Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn. |
| Rannvroioù Frañs | |
|---|---|
| Lec'hiadur e Frañs |  |
| Anv | Broioù al Liger |
| Anv ofisiel e galleg | Pays de la Loire |
| Banniel | |
| Arouez | |
| Riez |  Frañs |
| Yezhoù | galleg, brezhoneg, gallaoueg |
| Pennlec'h ar rannvro | Naoned |
| Departamantoù | Liger-Atlantel (44) Maine-et-Loire (49) Mayenne (53) Sarthe (72) Vendée (85) |
| Pennlec'hioù departamant | Naoned Angers Laval Le Mans La Roche-sur-Yon |
| Niver Arondisamantoù | 17 |
| Niver kantonioù | 192 |
| Niver kumunioù | 1 503 |
| Kadoriad ar C'huzul-rannvro | Jacques Auxiette (Strollad Sokialour Gall) |
| Amzer-gefridi | 2004-2010 |
| Prefed ar Rannvro | Bernard Hagelsteen |
| Poblañs hep kontoù doubl | 3 553 353 (2009) |
| Gorread | 32 082 km² |
| Stankter | 170 a./km² |
| Lec'hienn | paysdelaloire.fr |
Broioù al Liger pe Pays de Loire (hervez an anv ofisiel) zo unan eus rannvroioù Bro-C'hall, krouet gant ar gouarnamant gall e 1955 da heul ur rannvro velestradurel krouet e 1941. Pemp departamant zo bodet enni : Maine-et-Loire, Sarthe, Mayenne, Vendée ha Liger-Atlantel. Da lavarout eo emañ e-barzh ar memes rannvro:
- lodenn greisteiz Breizh,
- ar proviñsoù gall Anjev (departamant Maine-et-Loire hiziv) ha Maine (departamantoù Mayenne ha Sarthe bremañ),
- lodenn gwalarn Poatev, gant departamant ar Vendée.
Taolenn |
Orin ar rannvro [kemmañ]
E-pad an Dispac'h Gall, d'ar 4 a viz Meurzh 1790 e voe rannet Breizh e pemp departamant : Morbihan, Finistère, Côtes-du-Nord, Ille-et-Vilaine ha Loire-Inférieure. E 1941 e voe krouet div rannvro gant an dekred Pétain-Darlan :
- ur rannvro Bretagne, hep al Loire-Inférieure
- ha rannvro al Liger, Añje he c'hêr-benn, gant al Loire-Inférieure met hep ar Vendée ha gant an Indre-et-Loire.
Er bloavezhioù 1960 ha 1970 e teu da vezañ ur rannvro velestradurel hep goulenn meno ar geodederien nag hini an dilennidi.
Brudañ ar rannvro [kemmañ]
Broioù al Liger a vije ar rannvro c'hall hag a zispign ar muiañ evit en em vrudañ. Daveoù a vank Ur skoed ardamez zo bet krouet, met n'en deus reizhegezh istorel ebet. N'eus ket pell ez eus bet ijinet ul logo nevez ivez.
Kalz burutelladennoù zo diwar he c'hont. Ar gevredigezh, Breizh Adunvan, a stourm evit adunvaniezh Breizh abaoe ar bloavezhioù 1970.
An diversivie eo anv he c'houlzad ziwezhañ, diwar-benn liested ar rannvro. Luadennoù zo bet ijinet diwar-benn annezidi nevez ar rannvro, ar re diversiviens. Kaoz zo eus ur c'hleñved nevez : al ligériose.
Klask gwrizioù Broioù al Liger en Istor [kemmañ]
Hervez darn e oa dija eus Broioù al Liger en amzer ar C'halianed: [1]
Broioù al Liger war ar c'hirri-tan [kemmañ]
Abaoe m'eo kemmet ar plakennoù kirri-tan e vez lakaet arouez rannvro Broioù al Liger war girri Bretoned Bro-Naoned, met ingalet ez eus bet ivez gant emsaverien pegsunioù war skouer reoù rannvro Breizh da begañ war-c'horre.
Lennadurezh [kemmañ]
- François Lebrun, Histoire des Pays de Loire, éd. Privas, coll. Univers de la France, 1972. Abaoe 1972 eta e vez klasket brudañ ar broioù-se.
