Korsika

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Corsica (korseg)
Corse (galleg)

Banniel Korsika
Kan broadel	Diu vi salvi Regina
Yezhoù komzet	Korseg, galleg
Kêr-benn	Aiacciu (galleg Ajaccio)
Prezidant	Paul Giacobbi (PRG)
Gorread	8 680 km²
Poblañs -Stankter	275 000 (2005) 32/km²

Korsika (Corsica e korseg, Corse e galleg) a zo un enezenn hag ur vroad er Mor Kreizdouar. Ur rannvro eus Frañs eo enni daou zepartamant: Korsika-Uhel (2B, Haute-Corse e galleg) en hanternoz, ha Korsika-ar-Su (2A, Corse-du-sud e galleg) er c'hreisteiz. Komzet e vez div yezh eno: ar galleg hag ar c'horseg.

Aiacciu (Ajaccio e galleg) eo pennlec'h an enez. Eno emañ prefeti departamant Korsika ar Su ivez. Met Corti, e-kreiz an enez, war an hent etre Aiacciu ha Bastia, eo ar gêr-benn istorel; kêr-benn e oa da vare an dizalc'hiezh.

E Bastia, ar gêr vrasañ eus Korsika, emañ prefeti departamant Korsika Uhel.

Istor

Ar stad demokratel gentañ en Europa e voe Korsika, gant ur Vonreizh (da gentañ e 1735 ha da eil e 1755). Goude emgann Ponte Nuovu, d’an 8 a viz Mae 1769, ma voe pilet arme Pasquale Paoli gant ar C'hallaoued kalz niverusoc’h, e voe staget Korsika ouzh Bro-C'hall.

Mont a reas Korsika d'ober un departamant gall etre 1790 ha 1793 hag etre 1811 ha 1976.

Douaroniezh

Pevarvet enezenn vrasañ ar Mor Kreizdouar eo, goude Sikilia, Kiprenez ha Sardigna. 184 km a zo etre he foent norzh hag e foent su. E 12 km eus Sardigna emañ er su ha 160 km eus Genova e Liguria er norzh. E 83 km eus Livorno e Toskana emañ er biz hag e 180 km eus Nisa emañ er gwalarn.

Monte Cinto eo he menez uhelañ (2706m).

Kêrioù

• Aiacciu
• Bastia
• Bunifaziu
• Calvi
• Corti
• Isula Rossa
• Porti Vecchju
• Sartè

Kartenn eus Korsika

Ar yezh

• Gwelet korseg.