Yann-Eozen Jarl

Eus Wikipedia
Sauter à la navigation Sauter à la recherche

Yann-Eozen Jarl (1902-1985), Jean-Yves Charles en ti-kêr, a oa ur barzh hag ur skrivagner ganet e Sant-Nouga.

Dimezet e oa gant Helena Dorange (1905-1994), ha beziet int o-daou e Sant Nouga[1].

Pa oa bugel, er bloaz 1904, e oa deuet Yann-Vari Perrot da gure da Sant-Nouga. Kenteliet eo bet gant diazezour ar Bleun-Brug er feiz kristen hag er vrogarantez evit Breizh. Masikod eo bet gantañ, ha levezonet en un doare don gant skouer speredel an Aotrou Perrot. Chom a raio betek drouklazh Person Skrigneg, stag outañ gant ur geneilded vras ha darempredoù strizh, dreist-holl e-pad an eil brezel-bed.

Abaoe e yaouankiz, keneil da Roparz Hemon, e oa e-touez kentañ kenlabourerion Walarn.

Evel kalz a Vreizhiz eus ar rummad-se, e 1944, e voe Yann-Eozen Jarl toullbac'het ha jahinet a-raok bezañ didamallet.

Oberenn[kemmañ | kemmañ ar vammenn]

Adkavout a c'heller e skridoù e Feiz-ha-Breiz, Gwalarn, Al Liamm, Imbourc'h, Hor Yezh, hag e skridoù skiantel (mentoniezh) e ti Hor Yezh.

Skridoù diembann : Kentelioù a verdeadurezh.

Notennoù[kemmañ | kemmañ ar vammenn]

  1. Imbourc'h 339 1998 p. 88 : distro relegoù YE Jarl e Sant Nouga.