Santez Anna
Santez Anna eo mamm ar Werc'hez Vari ha mamm-gozh Jezuz er relijion gatolik.
Adkavet e vez ivez en hengoun muzulman gant an anv Hannah. N'eus lodenn ebet eus an Testamant Nevez hag a ro tro da lenn testennoù liammet gant mamm-gozh Jezuz-Krist. An istorourien a soñj dezho e c'hellfe bezañ un diaz munut istorel d'an dudenn er-maez eus ar vojennoù. En hengoun kristen e reer liamm etrezi ha Hanna mamm Samuel ar profed ha barner diwezhañ Israel. Ar memestra a vez graet gant an hengoun islamek.
Enoret e vez ivez he fried Joachim.
E Breizh[kemmañ | kemmañ ar vammenn]
Enoret eo e meur a lec'h e Breizh, ha dreist-holl e Santez-Anna-Wened, e-kichen an Alre, hag e Santez-Anna-ar-Palud, er Porzhe. Patronez Breizh eo. Gouestlet eo bet Breizh da Santez Anna gant ar Pab Pi X d'ar 26 a viz Gouere 1914.
 Delwenn Santez Anna e Naoned |
 Delwenn Santez Anna en iliz Sant-Tegoneg. |
