Rage (c'hoari video)

Eus Wikipedia
Sauter à la navigation Sauter à la recherche
Rage
Embanner Bethesda Softworks
Diorroer id Software
Deiziad iOS
d'an 18 a viz Du 2010
Windows, PS3, X360
NA d'ar 4 a viz Here 2011
PAL d'ar 7 a viz Here 2011
Rummad FPS
Mekanikoù iOS, Windows, PlaySation 3, Xbox 360


E3 2011 - Rage (Bethesda Softworks) (5822671650).jpg

Rage (stilizet en RAGE) zo ur c'hoari video tenn doare first-person shooter sevenet gant id Software, hag embannet e miz Here 2011.

Ar c'hentañ gwech ma voe diskouezet ar c'hoari a oa bet e-stumm un tañva teknikel d'an 11 a viz Even 2007, e-pad an Apple Worldwide Developers Conference, hag embannet e oa bet ofisiel e vefe eus ar c'hoari d'an 2 a viz Eost 2007 e-pad at QuakeCon. Rage a implij lusker video id Software anvet id Tech 5, ha bez e voe ar c'hoari ziwezhañ da vezañ embannet gant an embregerezh renet gant ar c'hrouer John Carmack.

Istor Rage a dremen en ur bed peurzistrujet en dazont. Goude kouezhadenn an asteroidenn 99942 Apophis war an douar ez eo bet freuzet aozadur ar bed evel ma oa. Ar c'hoarier a c'hoari an dudenn Nicholas Raine, ur soudard bet lakaet da goañvaat en ul lestr-egorel evel milieroù a dud all. Al listri-se a tistro war an Douar goustadik goude ur c'hantved en egor. An aozadur ofisiel nemeti hag a a zo a vez graet The Authority anezhi. Klask a ra an aozadur-se adpakañ an holl dud o tistreiñ eus an egor war ar voulenn-zouar evit laerañ dezho teknologiezhioù ha dre ma oant bet kemmet genetikel. Eus un tu all ar c'hoarier a vez taget gant gangoù a-bep seurt hag o deus savet rouantelezhioù bihan. Ar c'hoari a zo bet deskrivet evel un adkemer evit ul lod eus ar film Mad Max 2, hag eus ar c'hoarioù video evel Fallout ha Borderlands[1].

Degemer[kemmañ | kemmañ ar vammenn]

Designer Epic Games, Cliff Bleszinski, en doa bet embannet burutelladennoù war ar c'hoari Rage. Evitañ ar fed ne vefe ket eus ur stumm liesc'hoarier d'ar c'hoari a oa estonus-tre a-berzh un embegerezh evel id Software. Evitañ Rage a oa unan eus an daou c'hoari o devoa dipitet anezhañ e 2011 (an hini all o vezañ Uncharted 3: Drake's Deception).

Notennoù[kemmañ | kemmañ ar vammenn]

  1. Ocampo, Jason (d'an 3 a viz Eost 2007). QuakeCon 2007: Rage First Look. GameSpot. CBS Interactive. Kavet : d'an 30 a viz Meurzh 2017.