Nerzhioù Demokratel Siria
.png)
| Deiziad krouiñ | 10 Her 2015  |
|---|---|
| Anv er yezh a orin | قوات سوريا الديمقراطية, Hêzên Sûriya Demokratîk |
| Perzhiad e | Argadenn 2019 a-enep Rojava |
| Brezel | Brezel diabarzh Siria, Rojava conflict |
| Stad | Siria |
| Lec'h | Qamishli |
| Ideologiezh politikel | federalism, democratic confederalism, Laikelezh, minority rights |
| Sez sokial | Al-Hasakah |
| Lec'hienn ofisiel | https://sdf-press.com/ |
| Commanded by | Mazlum Abdi |
An Nerzhioù Demokratel Sirian (arabg: قوات سوريا الديمقراطية, Quwwāt Sūriyā al-Dīmuqrāṭīya, kurdeg: Hêzên Sûriya Demokratîk, sirieg: ܚܝ̈ܠܘܬܐ ܕܣܘܪܝܐ ܕܝܡܩܪܛܝܬܐ, treuzlizherennet Ḥaylawotho d'Suriya Demoqraṭoyto), berraet en SDF, HSD pe QSD, zo ur c'hengevread bezenoù Kurded, Arabed hag Asirianed, gant un nebeud Turkmened ha Tchetcheniz. Kemer a ra perzh e Brezel diabarzh Siria ha pouezus eo bet er stourm a-enep ar Stad Islamek. An NDS zo stag ouzh Unvezioù Difenn ar Bobl (YPG), ur bezen kurd evit an darn vrasañ eus an izili.
An Nerzhioù Demokratel Sirian, savet e miz Here 2015, a stourm evit sevel ur Stad demokratel, kevredadel ha lik e Siria. E miz Kerzu 2016, bonreizh an tiriad emren e Norzh ha Reter Siria a lakae an NDS evel nerzh lu ofisiel evit difenn an tiriad. Enebourien diazez an NDS eo an islamourien hag ar strolladoù broadelourien arab engouestlet er brezel diabarzh, dreist-holl sponterien ar Stad Islamek, an nerzhioù enebiñ sirian harpet gant Turkia, skourroù Al-Qaida. An NDS en deus lakaet darn eus e nerzhioù stourm a-enep ar Stad Islamek. Deuet eo a-benn da dalañ ha goude-se da vountañ war ar nerzhioù stourm ar c'halifad. Adkemeret ez eus bet ganto lec'hioù strategel pouezus evel Al-Hawl, Shaddadi, Tishrin Dam, Manbij, al-Tabqah, Tabqa Dam, Baath Dam, ha dreist-holl kêr-benn ar Stad Islamek, kêr Raqqa.
E miz Meurzh 2019, an Nerzhioù Demokratel Sirian o deus embannet faezhadenn ar Stad Islamek e Siria, ur wech aloubet ganto Baghuz, ar gêr ziwezhañ dalc'het gant ar c'halifad. E 2017 e istimed e oa gant an NDS war-dro 60 000-75 000 ezel.
