Levieg

Levieg
An ti-kêr.
Anv gallek (ofisiel)	Legé
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Levieg (pennlec'h) betek 2015, Sant-Filberzh-Deaz abaoe 2015
Kod kumun	44081
Kod post	44650
Maer Amzer gefridi	Thierry Grassineau 2020-2026
Etrekumuniezh	Kumuniezh kumunioù Su Raez Atlantel
Bro velestradurel	Bro Machikoul hag al Lon
Lec'hienn Web	www.ville-lege44.fr
Poblañsouriezh
Poblañs	4 633 ann. (2020)
Stankter	73 ann./km²
Douaroniezh
Daveennoù lec'hiañ	46° 53′ 11″ Norzh 1° 35′ 51″ Kornôg
Uhelderioù	kreiz-kêr : 74 m bihanañ 18 m — brasañ 94 m
Gorread	63,32 km²
Levieg

Levieg zo ur gumun e Breizh, e Liger-Atlantel, e gevred ar vro. Ar gumun greisteisañ e Breizh eo.

Douaroniezh

War-hed 40 km er su da Naoned emañ, war an harzoù gant Vande.

Anv

• Erwan Vallerie (1995) ː de Legiaco, 1119 ; Letge, 1144.

Ardamezouriezh

Trochet : ouzh 1 en glazur e gastell gant teir zourigell en aour, mogeriet, digoret ha goulaouet en sabel ; ouzh 2 en mouk / limestra e deir flourdilizenn en argant treustellet.

Istor

• A-raok ma voe krouet an departamantoù e oa Levieg war Marzioù dispartiañ Breizh ha Poatev.

Dispac'h Gall

• Krouet e voe kumun Levieg e 1790 diwar ar barrez katolik. Lakaet e voe da benn Kanton Levieg hag e Bann Machikoul. E 1800 e voe lakaet en Arondisamant Naoned.
• D'an 11 a viz Meurzh 1793, an deiz war lerc'h e oa bet krouet lez-varn an Dispac'h, 25 pe 26 mererour hag archer republikan a zo lazhet gant poblañs Levieg emzavet.
• D'ar 14 a viz Gwengolo 1793, aloubet eo Levieg gant ar republikaned. Tan a zo laket en tiez; 10 den, eus 37 da 72 vloaz, a zo lazhet. Magdeleine Trute, eus la Garrelière, oajet a 23 bloaz, a zo tapet ha kaset da Naoned, ha lazhet eno. .

XIX^vet kantved

Trevadennoù

• Mervel a reas meur a waz eus ar gumun en trevadennoù : tri en Aljeria, tri en Indez-Sina, unan e Kaledonia-Nevez ha daou e Madagaskar .

Brezel 1870-1871

• Mervel a reas triwec’h gwaz eus ar gumun abalamour d'ar brezel hervez plakennoù ar re varv er vered.

XX^vet kantved

Brezel-bed kentañ

• Mervel a reas 162 waz ag ar gumun abalamour d'ar brezel, da lavaret eo 3,78% eus he foblañs e 1911.

Eil brezel-bed

• Mervel a reas 23 den eus ar gumun abalamour d'ar brezel hervez plakenn ar re varv ar vered.

XXI^vet kantved

• Lakaet e voe ar gumun e Kanton Sant-Filberzh-Deaz pa voe diskaret Kanton Levieg e 2014.

Monumantoù ha traoù heverk

• 

• Kastell ar Bois Chevalier lec'h ma voe troet e 1965 lod eus ar film Le Tonnerre de Dieu gant Denys de La Patellière, gant an aktourien Jean Gabin, Lilli Palmer, Michèle Mercier, Georges Géret ha Robert Hossein.

• 

• Iliz katolik Gorroidigezh an Intron-Varia.

• 

• Chapel Intron-Varia an Druez savet e 1826.

• 

• Delwenn Charette.
• Monumant ar re varv, luc’hskeudenn. Dioueliet e voe d’an 16 a viz Gouhere 1922.
• Plakenn ar re varv 1914-1918 en iliz katolik, luc’hskeudenn.
• Plakennoù ar re varv 1914-1918 e chapel Intron-Varia an Druez, luc’hskeudennoù.
• Plakenn ar re varv 1939-1945 er vered, luc’hskeudenn.

Emdroadur ar boblañs abaoe 1962

Niver a annezidi

Melestradurezh

• E kumuniezh kumunioù Su Raez Atlantel emañ. Klevout a ra ar gumun ouzh Lez-varn Ensav Meur Naoned, ha Lez-varn Galv Roazhon.

Tud

• En enor d'ar jeneral Charette e voe savet « Chapel Itron-Varia an druez » (Notre Dame de pitié) pe ar « Chapel Charette ».
• Jacques-Alexis Francheteau de La Glaustière, kannad an Trede-urzh er Stadoù-Meur (1789).
• Charles-Joseph Auvynet, kannad an Trede-urzh er Stadoù-Meur (1789).

Ardamezeg ar familhoù

	Chevalier, Aotrounez Bois-Chevalier	En gul e zri alc'hwez en aour ouzh kab; e vevenn en glazur