Les Ramoneurs de Menhirs

Les Ramoneurs de Menhirs
Les Ramoneurs de menhirs gant Louise Ebrel e 2017.
Bro Orin	Bro C'hlazig ( Breizh)
Doare(où)	Sonerezh Breizh, punk, rock
Bloavezhioù oberiant	2006-
Label(ioù)	Coop Breizh
Lec'hienn ofisiel	Lec'hienn ofisiel
Izili	Éric Gorce, Richard Bévillon, Gwénaël Kere, Loran
Izili bet er strollad	Maurice Jouanno
Endro	Louise Ebrel

Les Ramoneurs de Menhirs zo ur strollad punk brezhonek bet savet e 2006. Eric Gorce a son ar vombard, Richard Bévillon ar binioù kozh, Maurice Jouanno a zo kaner (e brezhoneg Gwened) ha Loran - bet soner er Bérurier Noir er bloavezhioù 80 - zo gitarour. Klevet e vezont e-kerzh sonadegoù a bep seurt ha troet mat int gant meur a stourm : brezhoneg, ekologiezh, gwirioù ar pobloù, stourmoù sokial hag a-enep d'ar varc'hadourien-avel...

Istor ar strollad

Bévillon/Gorce (An Oriant 2009)

Savet eo bet ar strollad e 2006. Goude un nebeud sonadegoù ec'h enrollont ar bladenn studio gentañ, «Dañs an diaoul». Ar ganerez Louise Ebrel, merc'h Eugénie Goadeg anezhi, a vez klevet e-barzh meur a ganaouenn en albom. Ar Ramoneurs de Menhirs a gemer perzh e-barzh gouelioù meur etrekeltiek an Oriant. E miz Genver 2008, e reont ur droiad dre Europa (Bro-Skos, Bro-Frañs, Bro-Suis). E miz Ebrel e ya ar maout ganto e kenstrivadeg Kan ar Bobl, e-barzh rummad ar strolladoù sonerezh. E miz Ebrel 2010 e savont un eil pladenn, «Amzer an dispac'h» hec'h anv. D'an 10 a viz Mae e oant e Roazhon o seniñ dirak an dud kanaouenn "ofisiel" Ar Redadeg.

O sonerezh

Dibar a-walc'h eo dre ma vez mesket enni gitar-tredan punk ha boest-lusk Loran asambles gant ur c'houblad binioù-kozh/bombard ha sonioù hengouneloc'h. Gwech an amzer e pedont arzourien a bep seurt da seniñ ganto : Louise Ebrel, Gilles Servat, bagad Kemper, bugale ar skolioù brezhonek da geñver ar Redadeg 2010... Daoust dezho implijout sonioù kozh e vez modern a-walc'h temoù o c'hanaouennoù : enno e klever pozioù diwar-benn saveteiñ koad Breselien, Nicolas Sarkozy hag ar gevredigezh c'hall a-vremañ, ar stourmoù sokial, ar stourmoù evit adunaniñ Naoned ouzh peurrest Breizh ha kas ar brezhoneg war-raok, gwirioù Indianed an Amerik, ar gwir da vutuniñ drammoù zo...

Plijout a reont kenaén d'ar re yaouank, d'ar re gozh avat e vez diaesoc'h chom da selaou sonerezh ken trouzus.

O fladennoù

Kerne Izel, 2006

Gant Louise Ebrel ha Maurice Jouanno

Dañs an Diaoul, 2007

1. K,A
2. BellARB
3. Dañs gwadek 1 (Plinn) (diwar Gilles Servat)
4. Yaw ha yaw ha yaw (An Dro)
5. Nomades (diwar Ze6)
6. Edan ur blez (Laridé)
7. Na gast na matezh (Gavotenn Bourlet)
8. Captain Kirk (Diwar Spizzenergi)
9. Dañs Gwadeg 2 (Plinn)
10. Vive le feu (diwar Bérurier noir)
11. 'Vel un tour-tan (gavotenn vras)

Amzer an dispac’h, 2010

1. Unnek Gwezh
2. Oy ! Oy ! Oy !
3. La Blanche Hermine
4. Menez Unan
5. Tamm Kreiz
6. Menez Daou
7. If the Kids ar United (diwar Sham 69)
8. Marijanig
9. Ya'at'eeh
10. Auschwitz planète (diwar Tromatism)
11. Breizhistañs

Dastumad pladennoù

Albomoù

Albomoù (studio)

Bloaz	Albom	Renkadur	Unanennoù
		Frañs (pladennoù)
2007	Dañs an Diaoul	—	19 000+ (Mae 2010)
2010	Amzer an dispac'h	143	5 000+ (Mae 2010)
2014	Tan ar Bobl	—
2017	Breizh Anok	134
60 000 unanenn a voe gwerzhet betek 2012 evit an albomoù Dañs an Diaoul hag Amzer an dispac'h, hervez "Aujourd'hui en France". Ouzhpenn 50 000 unanenn a voe gwerzhet eus an holl pladennoù betek 2017, hervez Coop Breizh.

Liammoù

• Lec'hienn ofisiel
• Myspace