Le Cateau-Cambrésis

Le Cateau-Cambrésis
An ti-kêr.
Melestradurezh
Stad	Frañs
Rannvro	Hauts-de-France
Departamant	Norzh
Arondisamant	Cambrai
Kanton	Le Cateau-Cambrésis (pennlec'h)
Kod kumun	59136
Kod post	59360
Maer Amzer gefridi	Serge Siméon 2014-2020
Etrekumuniezh	Communauté de communes du Caudrésis - Catésis
Lec'hienn web	http://www.lecateau.fr
Poblañsouriezh
Poblañs	6 983 ann. (2016)
Stankter	256 ann./km²
Douaroniezh
Daveennoù lec'hiañ	50° 06′ 22″ Norzh 3° 32′ 31″ Reter 50° 06′ 22″ Norzh 3° 32′ 31″ Reter
Uhelderioù	bihanañ 84 m — brasañ 157 m
Gorread	27,24 km²
Lec'hiadur
Le Cateau-Cambrésis

Le Cateau-Cambrésis a zo ur gumun eus departamant Norzh e Bro-C'hall. Pennlec’h kanton Le Cateau-Cambrésis eo.

Istor

XVI^vet kantved

Sinet e voe daou feur-emglev e Le Cateau-Cambrésis e mizioù Meurzh hag Ebrel 1559:

• etre Bro-C'hall ha Bro-Saoz, d'an 12 a viz Meurzh ha d'an 2 a viz Ebrel 1559,
• etre Bro-C'hall ha Spagn, d'an 3 a viz Ebrel 1559.

XIX^vet kantved

• 1852: savet eo al labouradeg-sukr Piette et Compagnie. Mont a ra an embregerezh da get e penn-kentañ an XX^vet kantved.
• 1883: digoradur al linenn hent-houarn Le Cateau-Cambrésis Solesmes; savet e voe un eil ti-gar, Le Cateau Halte, e 1891 .

XX^vet kantved

• Brezel-bed kentañ : Emgann Le Cateau-Cambrésis e miz Eost 1914. Kemeret e voe Le Cateau-Cambrésis gant al lu alaman d'ar 26 a viz Eost 1914 ha chom a reas en e zalc'h betek an 10 a viz Here 1918 ma voe tapet gant Iwerzhoniz ar 5th Battalion Connaught Rangers eus tirlu ar Rouantelezh-Unanet, met ur sizhuniad a voe lakaet dezhe evit dont a-benn eus an difennourion alaman diwezhañ ; roet e voe ar Groaz Brezel 1914-1918 d'ar gumun e 1920 .
• Eil brezel-bed:
  • Dieubet eo bet Le Cateau-Cambrésis d'an 3 a viz Gwengolo 1944

.

Monumantoù ha traoù heverk

Bezioù-brezel ar C'hommonwealth e bered ar gumun: Le Cateau Communal Cemetery

Bro	Niver a soudarded
Aostralia	13
Kanada	2
Rouantelezh-Unanet	136
Hollad	151

Implijet e voe ar vered gant al lu alaman da veziañ milourion ar Rouantelezh-Unanet e mizioù Eost ha Gwengolo 1914 e-pad ar Brezel-bed kentañ ha da zouarañ e soudarded ivez. Graet e voe ganti adarre e mizioù diwezhañ 1918 da nerzhioù milourel ar C’hommonwealth. 65 bez alaman a voe tennet e 1922 .

Bered ar Brezel-bed kentañ: Le Cateau Military Cemetery

• Tachenn alaman

Bro	Niver a soudarded
Alamagn	tremen 5 000
Hollad	tremen 5 000

Ul lodenn anezhe a voe beziet pa oa dalc'het ar gumun gant al lu alaman, ar re all a voe degaset goude dibenn ar brezel.

• Tachenn ar C’hommonwealth

Bro	Niver a soudarded
Afrika ar Su	28
Alamagn	2
Aostralia	3
Kanada	3
Rouantelezh-Unanet	659
Zeland-Nevez	2
Hollad	700

Marvet int e-pad ar Brezel-bed kentañ. Ul lodenn vat anezhe a voe beziet d'al lu alaman, bet degaset enni eus tachennoù emgann 1914 dreist-holl. Ar re all a varvas e mizioù Here ha Du 1918. Goude an arsav-brezel eus an 11 a viz Du e voe ouzhpennet eizh bez all eus milourion bet marvet e mizioù Here ha Du 1918 ivez .

• Tachenn rusian

Bro	Niver a soudarded
Rusia	34
Hollad	34

Prizonidi a vrezel e oant .

Douaroniezh

Ar Selle e Le Cateau-Cambrésis

• War lez ar stêr Selle emañ Le Cateau-Cambrésis.

Gevelliñ

• Cave (Italia) abaoe 2008
• Westerburg (Alamagn)
• Wielsbeke (Belgia)

Emdroadur ar boblañs 1793-2007