Kyiv

Eus Wikipedia
Mont d’ar merdeerezh Mont d’ar c’hlask
Sant Mikael
An Nor aour
Pechersk Lavra
Pechersk Lavra

Kyiv (en ukraineg: Київ "Kyiv", anavezet a-raok gant ar stumm rusek: Киев "Kiev") eo kêr-benn Ukraina. Kêr vrasañ ar vro eo ivez ha tost da 3 milion a dud a oa o vevañ enni e 2021. War lezioù ar stêr Dnipro eo bet savet.

Kiev zo ur greizenn c'hreantel, skiantel, skolveuriek ha sevenadurel abouez en Europa ar Reter. E-touez he monumantoù emañ Iliz-veur Santez-Sofia. Ur rouedad metro ha trenoù banlev he deus.

Unan eus koshañ kêrioù Europa ar Reter eo. Da gentañ ne oa nemet ur greizenn a genwerzh slav diazezet er Vvet kantved war an hent kenwerzhel etre Skandinavia ha Kergustentin. Dindan truaj rouantelezh ar C'hazared e oa ar vourc'h betek ma voe kemeret gant ar Vareged (vikinged) e kreiz ar IXvet kantved. Dont a reas da vezañ kêr-benn priñelezh Kiev, divraz Rusia a-vremañ. Peurzistrujet e voe ar gêr e 1240 gant an alouberien vongol ha koll a reas e fouez e-pad kantvedoù. Chom a reas dindan veli he amezeien c'halloudus : Lituania, Polonia hag a-benn ar fin Rusia.

Mont a reas ar gêr e-barzh an impalaeriezh rus ha bleuniañ a reas e-pad an Dispac'h industriel etre fin an XIXvet kantved ha 1918, ar bloaz ma teuas da vezañ kêr-benn Republik Poblel Ukrania. Disklêriañ a reas ar Republik-se he dizalc'hiezh met ne voe ket gwerc'hel e-pad pell peogwir e voe staget ouzh an Unvaniezh Soviedel. E 1934 e voe kêr-benn Republik Soviedel Ukraina. Tost peurzistrujet e voe e-pad an Eil Brezel Bed, adsavet buan goude-se avat ha dont a reas da vezañ trede kêr pobletañ an Unaniezh Soviedel.

Kêr-benn Ukraina e teuas da vezañ goude diskar an URSS ha disklêriadur dizalc'hiezh ar stad nevez e 1991. Kreskiñ a reas fonnus gant distro Ukrainiz bet o chom e republikoù all an Unvaniezh Soviedel. Chom a ra ar gêr pinvidikañ ha pobletañ ar vro. Genadoù ar servijoù hag an arc'hant bras en deus kemeret plas greanterezh an armoù hag a oa bras e blas en armerzh ukrainat kent.

Brezel 2022[kemmañ | kemmañ ar vammenn]

D'an 11 a viz Meurzh 2022 e krogas Emgann Kyiv kaset gant an arme rus[1]. Kuit e oa aet an hanter eus ar boblañ d'an estrenvro.[2]

Tud brudet ganet eno[kemmañ | kemmañ ar vammenn]

Gevellerezh[kemmañ | kemmañ ar vammenn]

Levrlennadur[kemmañ | kemmañ ar vammenn]

Notennoù[kemmañ | kemmañ ar vammenn]