Kastell
En orin eo ur c'hastell (liester: kestell pe kistilli pe kastelloù) ur savadur e kerz un aotrou evit gwareziñ e c'halloud war e c'hladdalc'h ha chom en e c'houdor e-pad ar Grennamzer. Diwar al latin castellum eo bet deveret ar ger. Ur castellum (castrum bihan) a oa kreñvlec'h bihan al luoz roman. Meur a gastell roman e mein a zo bet adimplijet hag adsavet er Grennamzer (da skouer: kastell Brest), met muioc'h a zo bet freuzet evit sevel tiez.
Savet eo bet kestell kentañ ar Grennamzer e prenn, war ur savenn douar peurliesañ, da lavaret eo ur voudenn gastell pe voudenn gladdalc'h. Goude-se, war-dro an Xvet kantved, e vezent savet e mein ha kastell-kreñv a reer anezho.
E-pad an Azginivelezh e klaskas ar roueed c'hall sevel pe gempenn o c'hestell-kreñv aozet evit an difenn evit ma teufent da vezañ ul lec'h plijus ha koñfortus. Evel-se e savjont kestell eus ar vravañ war riblennoù al Liger.
En Europa[kemmañ | kemmañ ar vammenn]
Hêr ar genkiz roman eo ar c'hastell europat, un atant lakaet da greñvlec'h gant mogerioù evit e wareziñ.
Skeudennoù[kemmañ | kemmañ ar vammenn]
Alamagn[kemmañ | kemmañ ar vammenn]
Kastell Neuschwanstein, savet evit Loeiz II Bavaria, en XIXvet kantved.
Breizh[kemmañ | kemmañ ar vammenn]
Tour Raoul e Kastell Felger
Bro-C'hall[kemmañ | kemmañ ar vammenn]
Kêr Carcassona a oa ur gêr mogeriet en Okitania.
Bro-Saoz[kemmañ | kemmañ ar vammenn]
Kastell Bodiam
Kastell Windsor eo ti-annez ar rouanez Elesbed II, savet 900 vloaz zo.
Tour Londrez. An Tour Gwenn, karc'har Gruffudd ap Llywelyn, ha nouspet all.
Japan[kemmañ | kemmañ ar vammenn]
Kastell Osaka
Kembre[kemmañ | kemmañ ar vammenn]
Kastell Cricieth, ma voe karc'haret Gruffudd ap Llywelyn Fawr hag e vab Owain Goch.
Spagn[kemmañ | kemmañ ar vammenn]
Alcazaba, savet gant ar Vaoured.
Gwelout ivez[kemmañ | kemmañ ar vammenn]
- Listenn kastilli Breizh
- palez
- kastell-kreñv
- kreñvlec'h
- Kastell-Nevez
- kastell (lec'hanvadurezh)
- Châteauneuf, Newcastle, Neuenburg, Neuburg, Castell Newydd
Liammoù diavez[kemmañ | kemmañ ar vammenn]
