Gwinevez

Chapel Lokrist-an-Izelved.

Anv gallek (ofisiel)

Plounévez-Lochrist

Melestradurezh

Ploueskad (betek 2015)
Kastell-Paol (abaoe 2015)

Kod kumun

29206

Kod post

29430

Maer
Amzer gefridi

Gildas Bernard
2008-2026

Poblañsouriezh

2 297 ann. (2020)^[1]

Stankter

58 ann./km²

Douaroniezh

Daveennoù
lec'hiañ

48° 37′ Norzh
4° 13′ Kornôg / 48.61, -4.21

Uhelderioù

bihanañ 0 m — brasañ 96 m

Gorread

39,54 km²

Gwinevez

Gwinevez a zo ur gumun eus Bro-Leon e kanton Kastell-Paol, e departamant Penn-ar-Bed, e gwalarn Breizh.

Douaroniezh[kemmañ | kemmañ ar vammenn]

Anv[kemmañ | kemmañ ar vammenn]

Erwan Vallerie (1995) ː Ploe neguez, c 1330; Parropchia Nova, 1371; Ploenavaz, 1419; Guicnevez, 1443; Ploenevez, 1591; Guyc-Nevez, 1636.
Eus gwik ha nevez. Gwineveziz a vez lavaret eus tud ar barrez.

Ardamezioù[kemmañ | kemmañ ar vammenn]

Palefarzhet lammellet ː ouzh 1, en argant e vrizhenn erminig en sabel; ouzh 2, en aour e penn leon kudennek diframmet en sabel; ouzh 3, en aour e penn leon diframmet en glazur; ouzh 4, en sabel e penn leon diframmet en argant; e greiz-holl ul lammell en gul.

Aozer ː Bernard Le Brun.

an erminig = evit Breizh; al leon kudennek en sabel = evit bro Leon; al leon en glazur = familh Carman, pe Kermavan; al leon en argant = familh Kersabieg; al lammell = familh Pontantoul

Istor[kemmañ | kemmañ ar vammenn]

Dispac'h Gall[kemmañ | kemmañ ar vammenn]

Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Le Gall, kure, 40 vloaz^[2].

XX^vet kantved[kemmañ | kemmañ ar vammenn]

Brezel-bed kentañ[kemmañ | kemmañ ar vammenn]

Merval a reas 178 gwaz eus ar gumun, eleze 4,30% eus he foblañs e 1911, abalamour d'ar brezel^[3].

Eil brezel-bed[kemmañ | kemmañ ar vammenn]

Merval a reas 71 den ag ar gumun abalamour d'ar brezel^[4], 25 anezhe a oa tud nann-soudard^[5].

Monumantoù ha traoù heverk[kemmañ | kemmañ ar vammenn]

Moudenn c'hladdalc'hel Tournus, tour-meur kozh un tiegezh a oa lorc'h enni o lavaret e oa eus lignez Nuz, kenseurt feal Sant Paol Aorelian a yeas gantañ da Enez-Vaz evit stourm ouzh an amboubal, un aerouant a spourone tud ar vro a-hervez, ha na gilas ket rak an euzhvil (alese e lesanv : gour na dec'h)
Kastell Mailhe (XIV^vet-XV^vet kantved), savet diwar intrudu Tangi Kermavan (pe Carman) el lec'h ma oa ur c'hreñvlec'h kozh, Kastell Koad Lez Plonevez. Maoris Carman, levezonet hep mar gant Philibert Delorme, a roas dezhañ e stumm a-vremañ hag a lakaas sevel e 1555 chapell Kerveur. Da c'houde e voe graet ur varkizelezh eus an douaroù a oa dindan e varn war urzh Loeiz XIII. Tremen a rejont d'ar Vailheed, un tiegezh pinvidik eus an Touren (1577), d'an tiegezh Roc'han-Chabot (1747), d'ar Cadevilleed (1789), ha d'an Dained (1812)...
Aspadennoù eus ar ragistor (daou di-korriganed, taol-vaen Bretouare, bez ha tumulus Kerandevez) hag eus an neolitik (bezioù e Kerougan).
Manerioù (Kersabieg, Kastell-Fur, Liorzhoù, Keraouel, Traoñ Julien) ha manerioù kozh (Kergaradeg, Traoñ boz).
Milinoù (24 en holl, en o zouez milin dre zour Chatel).
Chapel Lokrist-an-Izelved.
Monumant ar re varv, 1914-1918, luc’hskeudenn^[6].
Monumant ar re varv, 1939-1945, luc’hskeudenn^[7].

Brezhoneg[kemmañ | kemmañ ar vammenn]

Ar Brezoneg er Skol[kemmañ | kemmañ ar vammenn]

1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol^[8].

Ya d'ar Brezhoneg[kemmañ | kemmañ ar vammenn]

D’an 9 a viz Kerzu 2011 e oa bet votet ar garta Ya d'ar brezhoneg gant kuzul-kêr ar gumun.
D'ar 5 a viz Ebrel 2013 e oa bet roet d'ar gumun al label Ya d'ar brezhoneg live 1.
D'ar 16 a viz Mae 2013 e oa bet votet tizhout live 2 ar garta Ya d'ar brezhoneg gant kuzul-kêr ar gumun.
D'ar 4 a viz Gwengolo 2015 e oa bet roet d'ar gumun al label Ya d'ar brezhoneg live 2.

Emdroadur ar boblañs abaoe 1962[kemmañ | kemmañ ar vammenn]

Niver a annezidi

Tud[kemmañ | kemmañ ar vammenn]

Un den eus familh Audren (Lanniliz ha Gwinevez) a zo bet priol Landevenneg, priol Redon, ha goude-se abad Sant-Visañt le Mans; Aet eo da Anaon er bloaz 1725. Kroget en devoa da sevel un istor Breizh, bet echuet gant Dom Lobineau^[9].

Tud ganet eno[kemmañ | kemmañ ar vammenn]

1826 : Lan Inizan, skrivagner brezhonek
1924 : An tad Mark Simon, beleg, manac'h ha levraoueger

Tud marvet eno[kemmañ | kemmañ ar vammenn]

1891 : Lan Inizan, skrivagner brezhonek

Ardamezeg ar familhoù[kemmañ | kemmañ ar vammenn]

	Audren Aotrounez Kervinot	En gul e dri tour goloet en aour, mogeriet en sabel
	du Beaudiez Aotrounez Kergoual	En aour e deir zreustell gommek en glazur, leinet gant ur velchonenn ivez en glazur ouzh konk dehou.
	Le Bihan Aotrounez Kerhellon	En erminoù e fempdiliaouenn en gul

Melestradur[kemmañ | kemmañ ar vammenn]

Mare		Anv	Strollad	Karg
Roll ar maerioù
1959	1965	Per Goaog	Dehoù diseurt	Labourer-douar
1965	1971	Eugène Le Rue	Dehoù diseurt	Labourer-douar
1971	2001	Per Chapalain	Dehoù diseurt	Labourer-douar
2001	2008	Anne Le Bras	Dehoù diseurt	Labourerez-douar
2008	bremañ	Gildas Bernard	Dehoù diseurt	Kuzulier departamant
N'eo ket anavezet c'hoazh an holl fedoù.

Gevelliñ[kemmañ | kemmañ ar vammenn]

Bro	Kêr	Abaoe
Iwerzhon	Móin Choinn	1997

Liammoù diavaez[kemmañ | kemmañ ar vammenn]

Commons

Muioc'h a restroù diwar-benn