Fredy Hirsch

Eus Wikipedia
Sauter à la navigation Sauter à la recherche

Alfred Hirsch (Hebreeg: פרדי הירש‎), ganet d'an 11 a viz C'hwevrer 1916 ha marvet d'an 8 a viz Meurzh 1944, a oa ur sportour, kelenner ha stourmer sionour yuzev eus Alamagn. Brudet e voe evit bezañ sikouret milieroù a vugale yuzev e-pad dalc'hidigezh alaman Tchekoslovakia pa oa e Prag, e kamp-bac'h Theresienstadt, ha goude-se en Auschwitz. Hirsch a oa penn-rener ar vugale e Theresienstadt ha penn al lodenn eus ar c'hamp-bac'h evit ar vugale anvet kamp ar familhoù e kampoù Theresienstadt hag Auschwitz II-Birkenau.

Dre ma oa orinoù alaman gantañ, ma oa un den gant arwarzh, fardet brav bepred, deuet e oa a-benn da varc'hata gant ar warded SS gwelladennoù evit ar vugale. Evel-se e oa deuet a-benn da saveteiñ anezho e-pad nebeut amzer diouzh an deportadur, o kaout un tamm boued ouzhpenn ivez. Hirsch gant e harperien a oa deuet a-benn da genderc'hel da genteliañ ar vugale dre guzh a-fed yuzevegezh, istor. Hirsch a oa reut a-fed sport, kenurzhierezh, hag ivez a-fed propentez, ar pezh en doa lakaet ar feur mervel evit ar vugale da zigreskiñ kalz.

Ur bloc'had e kamp-bac'h Theresienstadt

Ar c'hamp evit ar familhoù a oa da vezañ lazhadeget d'an 8 a viz Meurzh 1944. Hirsch hag a oa brudet ha sentet mat a oa da vezañ lakaet e penn un emsavadeg. Hervez lod mammennoù diasur e vefe en em lazhet evit chom hep gwelet ar vugale dindan e garg o vezañ lazhet. Hervez lod all e voe ampoezonet gant medisined yuzev evit chom hep kaout un emsavadeg ha saveteiñ o buhez dezho o-unan.

Plakenn goun e Stolperstein, lec'h bevañ yaouankiz Fredy Hirsch
Plakenn goun e Stolperstein lec'h ma voe ganet Alfred Hirsch