Egineg

Egineg
Milin Egineg war ar Gwilen.
Anv gallaouek	Acinyae
Anv gallek (ofisiel)	Acigné
Bro istorel	Bro-Roazhon
Melestradurezh
Departamant	Il-ha-Gwilen
Arondisamant	Roazhon
Kanton	Liverieg
Kod kumun	35001
Kod post	35690
Maer Amzer gefridi	Olivier Dehaese 2020-2026
Etrekumuniezh	Roazhon Meurgêr
Bro velestradurel	Bro Roazhon
Lec'hienn web	http://www.ville-acigne.fr
Poblañsouriezh
Poblañs	6 865 ann. (2020)
Stankter	232 ann./km²
Douaroniezh
Daveennoù lec'hiañ	48° 08′ 03″ Norzh 1° 32′ 12″ Kornôg
Uhelderioù	kreiz-kêr : 35 m bihanañ 29 m — brasañ 96 m
Gorread	29,55 km²
Egineg

Egineg (Acigné e galleg) a zo ur gumun eus Breizh e kanton Liverieg e departamant Il-ha-Gwilen.

Eginegiz hag Eginegadezed a vez graet eus hec'h annezidi.

Douaroniezh

• 10 km zo eus Egineg da Roazhon, ar gêr vras er c'hornôg dezhi, e kember ar stêrioù Chevré ha Gwilen hag a ziskouez, peurgetket, he bevenn su gant kumun nes Noal-ar-Gwilen.
• Darempredet e vez Egineg gant hent-houarn Roazhon-Ar Mañs dre harz Noal-Egineg.
• Kumunioù amezek : Saozon-Sevigneg; Torignieg-Fouilharzh; Liverieg; Beuzid-ar-C'hoadoù; Servon; Brec'heg; Noal-ar-Gwilen

Anv

• A. Marteville et P. Varin (1843) : Parochia de Acigneio.
• Dauzat et Rostaing (1963-1978) : "de Accigneio, war dro 1330; diwar anv den latin *Accinius (> Accius) + lostger -acum".
• J-Y Le Moing (1990) : "Acigniacum, 1030 Ab. Bossard; B.N
• Erwan Vallerie (1995) : "Aciniacum 1030; Acigniacum 1030; de Accigneio 1330'.
• Embannadurioù Flohic : diwar anv-den galian ha roman Accinius pe diwar accinere, "gourizañ", daveiñ d'an div stêr war dro ar gumunn.

Ardamez

Froger & Pressensé :

En erminoù, e dreustell divouedet en gul karget gant teir flourdilizenn en aour

Ardamez familh Acigné, XIII^vet

An dresadenn roet amañ a zo fazius : un dreustell divouedet ne ya ket betek al lezoù (cf Gourdon de Genouillac, p. 3, bann 2; tresadenn reizh gant Froget ha Pressensé, p. 68).

• 

  Tresadenn JC Even

Istor

Kent 1790

J.B Ogée, p. 36 : war ar stêr Gwilen, 2 lev biz-reter Roazhon, e eskopti hag e eil-dileuriadurezh

XX^vet kantved

Brezel-bed kentañ

• Mervel a reas 70 gwaz ag ar gumun abalamour d'ar brezel hervez monumant ar re varv, da lâret eo 4,09% ag ar boblañs hervez an niveradeg bet graet e 1911.

Eil Brezel-bed

• Mervel a reas seizh den eus ar gumun abalamour d'ar brezel.

Monumantoù ha traoù heverk

• 

  An iliz katolik.

• Iliz katolik Sant Varzhin.

• 

  Ar monumant.

• Monumant ar re varv e-tal an iliz katolik, luc'hskeudennoù.
• Plakennoù ar re varv (1914-1918 ha 1939-1945) en iliz katolik, luc’hskeudennoù.

Emdroadur ar boblañs

Niver a annezidi

Melestradurezh

Roll ar maerioù
Mare		Anv	Strollad	Karg
1919	??	de Tréverret		-
1971	1989	Michel Simonneaux		-
1989	-	Guy Jouhier	PS	Kuzulier-departamant (1998-2011)
2014	→ bremañ	Olivier Dehaese	PS	Ijinour
N'eo ket anavezet c'hoazh an holl fedoù.

Tud

• Alan a Egineg, un aotrou meur a Vreizh, e stourmas ouzh Richarz, roue Bro Saoz, evit dieubiñ Koñstansia, intanvez Jaffrez II, lazhet e 1186, hag ouzh Yann Dizouar goude muntr Arzhur In.
• Pêr a Egineg, mignon da Loeiz a Anjev, e stourmas gantañ a-enep ar Saozhon e Gwiana, e Poatev, ha lec'hioù all. Goude se e eas gant e vignon da vrezeliñ e Provañs, Naplez, Sikilia. Goude marv Loeiz er brezel se, deut eo en dro e-kichen Mari a Vreizh, intanvez Loeiz, en em lakas da servijout Loeiz II, dug Anjev evit adkemer rouantelez Naplez. Savet senesal meur a Brovañs, hag anvet "ar marc'heg dizaon ha direbech". Loeiz II e roas dezhañ baronelezhioù Merarques ha Val-Frenetie hag e werzhas dezhañ, evit nebeut, beskontelezh Grimaud-Reilland. Pêr a Egineg e varvas e Vienna, e Daofinelezh, hag interet en iliz Sant-Anton, gant e gwreg Elen a Anguien.
• Yann a Egineg, breur Pêr, e oa gant 120 marc'heg brezhon ouzh emgann Nicopolis, e bro Turki, e 1396.
• Yann a Egineg, mab bihan an hini diaraok, marc'heg urzhioù ar roue (1), denjentil kambr ar roue, letanant-jeneral evit Breizh.
• Yann a Egineg, mab an hini diaraok, e oa e Milan e 1521, ha gemeras perzh ouzh emgann Pavia.
• Fañch a Egineg, bet lazhet e-kerzh emgann Monkontour, e bro Poatev, e 1579.
• Yann a Egineg, e vab, n'en eus ganet paotr ebet. E verc'h, Judith a Egineg, a zo bet dimezt da Charlez a Gosse, kont Brissac, marichal c'hall, marc'heg urzhioù ar roue, e letanant-jeneral evit Breizh. Herri IV, roue Frañs, e savas Egineg da varkizelezh e 1609.

(1) : Nac'het eo an dra se gant Marteville & Varin : urzh ar Spered Santel, urzh ar Roue, a zo bet savet nemet e 1578. Asañtiñ a reont gant Urzh Sant-Mikael evit Yann a Egineg.

Echu evit ar poent. Skridoù mat da reizhañ, ma'z ez eus ezhomm.

Ardamezeg ar familhoù

	d'Acigné, aotrounez al lec'h se	en erminoù, e dreustell divouedet en gul karget gant teir flourdilizenn en aour
	d'Argentré, aotrounez les Forges	en argant e groaz pavek en glazur

Gevelliñ

Bro	Kêr	Abaoe
Alamagn	Wachtendonk	1980
Roumania	Șeica Mare	1993

Liammoù diavaez

• Lec'hienn ofisiel ar gumun
• (br) Egineg e Geobreizh

Levrlennadur

• (fr)Ogée : Dictionnaire historique et géographique de la province de Bretagne; war dro 1780;
• (fr)MM. A. Marteville et P. Varin, warlec'hien Ogée, 1843.
• (fr)Albert Dauzat et Charles Rostaing : Dictionnaire étymologique des noms de lieux de France. Embannadurioù Guénégaud. Paris. 1963.
• (fr)Jean-Yves Le Moing : Les noms de lieux bretons de Haute-Bretagne. Coop Breizh. 1990
• (fr)Embannadurioù Flohic : Le patrimoine des communes d'Ille-et-Vilaine. 2000
• (fr)Erwan Vallerie : Traité de toponymie historique de la Bretagne. (3 volumes). Embannadurioù An Here. 1995.
• (fr)Michel Froger & Michel Pressensé : Armorial des communes des Côtes d'Armor et Ille et Vilaine. 2008.
• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014