Lizher da Ditoz : diforc'h etre ar stummoù
→Embannadurioù all: kempenn |
|||
Linenn 5: | Linenn 5: | ||
*al [[Lizer da Dituz]], gant [[Yann-Frañsez ar Gonideg]], embannet div wech : |
*al [[Lizer da Dituz]], gant [[Yann-Frañsez ar Gonideg]], embannet div wech : |
||
** en [[Testamant nevez hon aotrou Jézuz-Krist]], e [[1827]], pajenn 284; |
** en [[Testamant nevez hon aotrou Jézuz-Krist]], e [[1827]], pajenn 284; |
||
** en eil levrenn ar [[Bibl Santel pe Levr ar Skritur Sakr]], e 1866, pajenn 634; |
** en eil levrenn ar [[Bibl Santel pe Levr ar Skritur Sakr]], e [[1866]], pajenn 634; |
||
*''Lizer Sant Paol, abostol, da Ditus'', en [[Testamant Nevez hon aotrou hag hor Zalver Jesus-Christ |
*''Lizer Sant Paol, abostol, da Ditus'', en [[Testamant Nevez hon aotrou hag hor Zalver Jesus-Christ]], e [[1927]], pajenn 411. |
||
==Lizher Paol Tars== |
==Lizher Paol Tars== |
Stumm eus an 10 Eos 2016 da 15:46
Al lizher da Ditoz (Titus e anv latin) zo anezhañ unan eus skridoù an Testamant Nevez en embannadur brezhonek Maodez Glanndour e ti Al Liamm e 1971.
Embannadurioù all
Tri embannadur brezhonek zo bet a-raok hemañ:
- al Lizer da Dituz, gant Yann-Frañsez ar Gonideg, embannet div wech :
- en Testamant nevez hon aotrou Jézuz-Krist, e 1827, pajenn 284;
- en eil levrenn ar Bibl Santel pe Levr ar Skritur Sakr, e 1866, pajenn 634;
- Lizer Sant Paol, abostol, da Ditus, en Testamant Nevez hon aotrou hag hor Zalver Jesus-Christ, e 1927, pajenn 411.
Lizher Paol Tars
Bez' ez eo unan eus an tri lizher skrivet gant an abostol Paol Tars hag a vez lakaet e rummad al « lizheroù pastorel », war-lerc'h an daou lizher da Dimozeoz.
Skrivet e vefe bet e Makedonia e-kerzh ur veaj dre Greta (gant Titoz), Azia-Vihanañ, Makedonia ha Gres war-dro ar bloavezh 65[1] goude bezañ bet tremenet daou vloavezh en toull-bac'h e Roma (61-63, hervez La Bible de Jérusalem, pe e 60-62 hervez Maodez Glanndour).
An diskibl
Da Dituz hé vâb karet-mâd hervez ar gen-feiz ..., a skriv Paol diwar-benn Titus e skrid ar Gonideg. Va gwir vab hervez ar feiz commun, a skriv en Testamant Nevez hon aotrou hag hor Zalver Jesus-Christ [2], rak Titus, anezhañ ur Gresian, a oa unan eus diskibien fealañ an abostol. Pagan e oa a-raok treiñ da gristen.
Rakskrid Maodez Glanndour
Setu ar pezh a skriv Maodez Glanndour a-zivout an tri lizher pastorel :
« Amañ hon eus un ton distegn ha dibompad, hini un den krog da gozhañ o skrivañ da ziskibled ha kenlabourerion garet. Santout a ra ar maro o tont, hag e plijfe dezhañ o startaat en o feiz hag en o c'harg a bastored. Derc'hel d'ar gelennadurezh bet resevet, diwall diouzh an disivouderion, gouzout eo an Iliz pobl Doue bet glanaet gant gwad ar C'hrist, Doue gwirion, ha den gwirion, en deus roet e vuhez evel sakrifis a aspren; ha santelaet dre nerzh ar Spered Santel, a labour en eneoù er fideled, hon eus da veuliñ an Tad a drugarez peurbadel a c'halv a holl dud d'ar silvidigezh... »[3]
Arouezius eo an tri lizher eus stad aozadur an Iliz e dibenn mare an ebestel : « El lizheroù-mañ, evel en Oberoù an Ebestel, ar gerioù Episkopoz (eskob) ha Prebiter (henaour, beleg) n'o deus ket c'hoazh talvoudegezhioù disheñvel, evel m'o devo un tammig diwezhatoc'h […] E penn pep Iliz ez eus ur strollad renerion eskibion-presbiterion. A-us dezho avat e chom an abostol en deus diazezet en Iliz : hag hemañ a ren warno drezañ e-unan pe dre e gannaded. Sed ar pezh a welomp amañ evel en Oberoù : Timozeoz ha Titoz a zo karget gant Paol da eveshaat ha da c'houarn ar c'humuniezhioù en ano Paol, da envel ar bresbiterion , da virout an urzh vat... »[3]
Kemmet e voe an traoù a-c'houde marv an ebestel hag o c'hannaded.
Notennoù ha daveennoù
- ↑ (fr) La Sainte Bible, Cerf, 1961, p. 1488.
- ↑ Testamant Nevez hon aotrou hag hor Zalver Jesus-Christ, 1927, pajenn 411.
- ↑ 3,0 ha3,1 (br) Maodez Glanndour, "Digoradur da Lizheroù Sant Paol", eil levrenn troidigezh an Testamant Nevez, Al Liamm, 1971, p. 356;