Aneirin : diforc'h etre ar stummoù

Endalc’h diverket Danvez ouzhpennet

Inline

Stumm eus an 27 Gen 2024 da 09:42

Aneirin, skrivet Aneurin a-wechoù e kembraeg, pe Neirin mab Dwywei (war-dro 525 - 600) a oa ur barzh brezhonek, pe predenek eus ar VI^vet kantved. Kontet eo da vezañ barzh e lez ur priñs en unan eus ar rouantelezhioù brezhon ha brezhonek a oa neuze er c'hreisteiz da vro ar Bikted, anvet e yezh Kembre yr Hen Ogledd , da lavarout eo an Hanternoz Kozh.

Kembread, Skosad, Breizhad

N'eo ket e Kembre e oa o chom eta, ac'hoel pa oa o skrivañ an oberenn a anavezomp, nag “e kembraeg” e skrive, daoust d'ar pezh a lavar tud zo (rak ar yezh-se ne oa anezhi nemet ur rannyezh vrezhonek d'ar c'houlz-se) met e yezh priñs bro ar Gododdin, a roe bod dezhañ, e brezhoneg kozh an enez, ur yezh tost-kenañ d'ar c'hembraeg, ha ken tost all da vrezhoneg an dud a oa krog da dreuziñ Mor Breizh trema Breizh Vihan. Lakaet eo bet an oberour da Skosad ivez war zigarez ma'z eo e Bro-Skos emañ bremañ ar vro ma oa o chom gwechall.

E varzhoneg veur

Anavezet eo e labour dre un dornskrid eus an XIII-vet kantved anavezet evel Llyfr Aneurin (Levr Aneirin), a oa bet damnevesaet ar yezh anezhañ e krenngembraeg, nemet e chome ennañ roud eus ur yezh kar un tamm mat koshoc'h. An oberenn anevezetañ digantañ eo Y Gododdin, un heuliad kanoù en enor da vrezelourien rouantelezh ar Gododdin a oa kouezhet o stourm a-enep ar Saozon en emgann Catraeth war-dro 603. Marteze eo eus kêr Catterick e Yorkshire pe eus Dawstane e Liddlesdale ez eus kaoz. N'eo ket aes gouzout da vat petra eo ster resis ar varzhoneg pa vez roet meur a zisplegadenn hervez an arbennigourien.

En ur varzhoneg e kaver ar meneg kentañ , a greder, eus Arzhur, evel pimpatrom an nerzh-kalon, hag ur brezelour kouezhet en emgann zo keñveriet outañ. A-hervez e vije bet Aneurin o kemer perzh en emgann-se ivez hag e vije bet prizoniad war-lerc'h.

Skridoù

Meur a droidigezh zo eus Y Gododdin e saozneg

- gant William Forbes Skene en e Four Ancient Books of Wales (1866),
- gant Thomas Stephens (1821-1875), embannet gant ar c'h-Cymmrodorion Society e 1888.

Hervez Stephens e vije bet Aneurin ur mab d'ar manac'h Gildas (pe Gweltaz), an istorour meur eus ar VI-vet kantved. Kement-se a zo diaes da grediñ, pa ouzer pegen feuls e skrive Gweltaz a-enep ar briñsed a veve en diroll hag er pec'hed.

An embannadur kentañ a dalvoudegezh a zo bet graet gant Ifor Williams gant notennoù e kembraeg, e 1938. Diwar e labour e voe graet un droidigezh all gant ar Skosad Kenneth H. Jackson e 1969.

Levrioù

Kenneth H. Jackson (1969). The Gododdin: The Oldest Scottish poem, Edinburgh:University Press.
Rachel Bromwich, Trioedd Ynys Prydein (eil embannadur Kerdiz, 1978). ISBN 070830690X
N.G. Costigan ac eraill, Gwaith Dafydd Benfras ac Eraill (Caerdydd, 1995). ISBN 0708313043
John Morris, Nennius[:] British History and Welsh Annals (Llundain, 1980). ISBN 0850332974
A.H. Jarman, Aneirin: Y Gododdin, Gwasg Gomer, Llandysul.
Ifor Williams, Canu Aneirin, Gwasg Prifysgol Cymru , Kerdiz, 1961, 1997.

Liammoù diavaez

Oberennoù gant Aneirin e Project Gutenberg
Celtic literature Collective: The Book of Aneurin, skrid ha troidigezhioù e saozneg.
Gathering the Jewels: Llyfr Aneirin, Skeudennoù e liv eus an dornskrid.
Early British Kingdoms: St. Aneirin Gwodryd.

Un anv

Roet e vez an anv Aneurin e Kembre, hag anavezet eo ar politikour sokialour Aneurin Bevan (1897-1960) a zo bet ministr breizhveuriat evit ar yec'hed. E Breizh eo an anv-se a gaver en anv parrez Plounerin, ha roet e vez an nav Nerin d'ar baotred.

Sant

Hervez tud zo e vije bet lakaet da sant: [[1]]. Kement-se a c'hallfe displegañ an anv Plounerin, nemet e vije anv ur sant all evel-just.

Nerin zo ivez un anv-badez brezhonek.

Pennad kar

Nerin

@@ Linenn 8: / Linenn 8: @@
 Anavezet eo e labour dre un dornskrid eus an XIII-vet kantved anavezet evel '''Llyfr Aneurin''' (''[[Levr Aneirin]]''), a oa bet damnevesaet ar yezh anezhañ e [[krenngembraeg]], nemet e chome ennañ roud eus ur yezh kar un tamm mat koshoc'h.
 An oberenn anevezetañ digantañ eo '''[[Y Gododdin]]''', un heuliad kanoù en enor da vrezelourien rouantelezh ar ''Gododdin'' a oa kouezhet o stourm a-enep ar [[Saozon]] en emgann [[Catraeth]] war-dro 603.
-Marteze eo eus kêr [[Catterick]] e [[Yorkshire]] (pe kontelezh [[Evrog]]) pe eus ''Dawstane'' e ''Liddlesdale'' ez eus kaoz. N'eo ket aes gouzout da vat petra eo ster resis ar varzhoneg pa vez roet meur a zisplegadenn hervez an arbennigourien.
+Marteze eo eus kêr [[Catterick]] e [[Yorkshire]] pe eus ''Dawstane'' e ''Liddlesdale'' ez eus kaoz. N'eo ket aes gouzout da vat petra eo ster resis ar varzhoneg pa vez roet meur a zisplegadenn hervez an arbennigourien.
 En ur varzhoneg e kaver ar meneg kentañ , a greder, eus [[Arzhur]], evel pimpatrom an nerzh-kalon, hag ur brezelour kouezhet en emgann zo keñveriet outañ. A-hervez e vije bet Aneurin o kemer perzh en emgann-se ivez hag e vije bet prizoniad war-lerc'h.