Chapel-Baz-Meur

Ur pennad Chapel zo ivez.

Chapel-Baz-Meur
An iliz katolik.
Anv gallek (ofisiel)	La Chapelle-Basse-Mer
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Lavreer-Botorel betek 2015, Gwaled abaoe 2015
Kod kumun	44029
Kod post	44450
Maer Amzer gefridi	Christelle Braud 2014-2015
Etrekumuniezh	Kumuniezh kumunioù Liger-Diwazh
Bro velestradurel	Bro Gwiniegi Naoned
Lec'hienn web	http://www.chapellebassemer.fr
Poblañsouriezh
Poblañs	5 256 ann. (2013)
Stankter	312 ann./km²
Douaroniezh
Daveennoù lec'hiañ	47° 16′ 15″ Norzh 1° 20′ 23″ Kornôg 47° 16′ 15″ Norzh 1° 20′ 23″ Kornôg
Uhelderioù	kreiz-kêr : 56 m bihanañ 1 m — brasañ 79 m
Gorread	22,14 km²
Chapel-Baz-Meur

Chapel-Baz-Meur a oa ur gumun a Vreizh e Kanton Gwaled, e Liger-Atlantel, e gevred ar vro. Abaoe ar I^añ a viz Genver 2016 emañ e-barzh ar gumun nevez Diwazh-Liger.

Anv

• Erwan Vallerie ː Capella Bassamari, 1115; Capella Barsamen, 1138; Capella Batsamere, 1277; Basse Matris, XIV^vet;

Gerdarzh̟

Ardamezioù

"en erminoù, e zrailhenn a deir pezh en glazur; e vevenn en gul"

Istor

Dispac'h Gall

• Krouet e voe kumun Chapel-Baz-Meur e 1790 diwar ar barrez katolik. Lakaet e voe e Kanton Lavreer-Botorel hag e Bann Klison. E 1800 e voe lakaet en Arondisamant Naoned .

XIX^vet kantved

Bargazh

• Krouet e voe kumun Bargazh e 1868 diwar ul lodenn eus tiriad kumun Chapel-Baz-Meur .

XX^vet kantved

Brezel-bed kentañ

• 106 gwaz ag ar gumun a gollas o buhez abalamour d'ar brezel, d.l.e. 4,10 % eus he foblañs e 1911 .

XXI^vet kantved

• Lakaet e voe ar gumun e Kanton Gwaled pa voe diskaret Kanton Lavreer-Botorel e 2014 .
• D'ar 1añ a viz Genver 2016 e voe kendeuzet kumunioù Chapel-Baz-Meur ha Bargazh d'ober ur gumun nevez, Diwazh-Liger .

Monumantoù ha traoù heverk

• Iliz katolik Intron-Varia ar C'horroidigezh.
• Monumant ar re varv.

Armerzh

• Brasserie de la Divatte, breserezh artizanel.

Emdroadur ar boblañs abaoe 1962

Niver a annezidi

Tud

• Yann V (1389-1442), Dug Breizh.
• Marc'harid Klison, kontez Pentevr, merc'h da Olier V Klison
• Jacques Demy (1931-1990), harluet er Chapel-Baz-Meur etre miz Gwengolo 1943 ha miz Eost 1944 e ti ur c'houplad, botaouer-koad ar gwaz e kêriadenn Maen-Toull. Aozañ a ra eno filmoù bevaat bihan (livadur war goc'henn), diwar-benn argadennoù kirri-nij pont Malvid da skouer (cf. film Agnès Varda Jacquot de Nantes). Treiñ a ra er Chapel-Baz-Meur e film kentañ e miz Here 1955, an teulfilm berr Le Sabotier du val de Loire.
• Jean Clareboudt (1944-1997), neuzier a vremañ, en eus bevet e Maen-Toull.
• Reynald Secher (g. e 1955), istorour, genidik eo e familh eus ar Chapel-Baz-Meur.

Ardamezeg ar familhoù

	Ameline de Cadeville, aotrounez la Chesnardière ː Sourinet etre argant ha gul a eizh pezh; e gab en glazur karget gant un heol en aour.
	Ballet, aotrounez la Chenardière, En sabel e valanenn en aour

Liammoù diavaez

• (fr) Lec'hienn ti-kêr Diwazh-Liger

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995