Albert Poulain
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Albert Poulain |
| Anv ganedigezh | Albert Théodore Marie Poulain |
| Anv-bihan | Albert |
| Anv-familh | Poulain |
| Deiziad ganedigezh | 8 Gwe 1932 |
| Lec'h ganedigezh | Presperieg |
| Deiziad ar marv | 7 Her 2015 |
| Lec'h ar marv | Redon |
| Yezhoù komzet pe skrivet | galleg |
| Micher | draftsperson, kaner |
| Bet war ar studi e | Conservatoire national des Arts et Métiers |
| Benveg sonerezh | mouezh |
| Statud e wirioù aozer | Oberennoù dezhe gwirioù aozer |
Albert Poulain, ganet e Presperieg d'an 8 a viz Gwengolo 1932 ha marvet e Redon d'ar 6 a viz Here 2015, a zo ur c'haner, konter, treser ha dastumer eus Breizh-Uhel.
Buhez
[kemmañ | kemmañ ar vammenn]Goude ar skolaj e heulias ur stummadur a dresour evit ar sevel tiez.
Bez' e voe lec'hiadour er 6vet Rejimant an Ijin en Añje a-raok mont da Bariz evit mont pelloc'h gant e studioù tresañ ha tisavouriezh er c'hConservatoire des Arts et Métiers etre 1954 ha 1958. Daremprediñ a reas Kêr Vreizh ha tud evel Herve ar Menn, Yann Poupinot, Pierre Laurent hag ar chaloni Mevelleg. Dedennet e voe gant sevenadur-pobl Breizh.
Labourat a reas evit meur a chanter bras (Kanol ar c'hreisteiz, Stankell Serre-Ponçon...) hag evit meur a disavour.
Emezelañ a reas er MOB pa voe krouet e 1957.
Distreiñ a reas da Vreizh e 1959. Labourat a reas e Roazhon e servijoù stad hag e burevioù studi. Daremprediñ a reas ar c'helc'hioù keltiek ha Kevrenn Roazhon. Kregiñ a reas da zastum kanoù - ur 600 bennak - ha da enrollañ anezho e bro Presperieg ha Gazilieg.
Er bloavezhioù 1980 e kasas da 1 500 niver ar c'hanoù dastumet gantañ. Kregiñ a reas neuze da ganañ anezho er gouelioù.
Dont a reas da vezañ Mestr oberiadur sevel tiez. Seveniñ a reas 1 200 raktres e seizh bloavezh warn-ugent. Ober a reas neuze 18 000 skeudenn eus savadurioù war ar maez hag eus kalzik tiez adkempennet.
Gant Jean-Louis Latour, Albert Noblet ha Jean-Bernard Vighetti e savas Bodad sevenadurel breizhat Broioù ar Gwilen. Reiñ ha rejont lañs d'ar gouelioù lec'hel. War atiz Jean-Bernard Vighetti e savjont Gouel ar Bogue d'or e 1975.
D'ar mare-se e krogas da blediñ gant ar c'hontadennoù. Dastum a reas ouzhpenn 300 kontadenn hengounel. Embannet en deus anezho evit nad afent ket da goll. Dreist-holl e krogas da reiñ buhez dezho e beilhadegoù ha gouelioù e gallaoueg. Ober a ra bepred, o vont hag o tont dre ar vro.
13vet e voe war listenn "Peuple Breton, Peuple d'Europe" en Il-ha-Gwilen evit dilennadegoù rannvro 1992.
23vet war listenn UDB e 1998.
Oberennoù
[kemmañ | kemmañ ar vammenn]Meur a levr en deus skrivet.
Gellout a reer menegiñ ur bladenn Chants du Pays d'Oust et de Vilaine, gant Jean-Louis Latour ha Jean-Bernard Vighetti.
Enorioù
[kemmañ | kemmañ ar vammenn]- Priz Herve ar Menn en deus bet e 1993.
- Resevet en deus Kolier an Erminig e 2004.
Mammennoù
[kemmañ | kemmañ ar vammenn]- Dictionnaire biographique du mouvement breton XX-XXIe siècles Lionel Henry, Yoran Embanner, 2013