Wallis ha Futuna

Eus Wikipedia
Mont da : merdeiñ, klask
Pelec'h emañ Wallis ha Futuna.

Wallis ha Futuna (galleg: Wallis-et-Futuna; fakauveaeg ha fakafutunaeg: Uvea mo Futuna), ent-hir Tiriad Inizi Wallis ha Futuna (galleg: Territoire des îles Wallis et Futuna), a zo un tiriad enezek polinezian eus Su ar Meurvor Habask etre Tuvalu er gwalarn hag Enez-Rotuma (Fidji) er c'hornaoueg, ha lodenn bennañ Fidji er mervent; emañ Tonga er gevred, Samoa er reter, ha Tokelau er biz. E dalc'h ar Frañs emañ an tiriad-se, hag ur strollegezh tramor (COM) eus ar Republik-se eo abaoe 2003.

Teir enezenn bennañ a ya d'ober an tiriad: Wallis (Uvea), Futuna hag Alofi. Inizi tanveneziek ez int. Ur gorread a 264 km2 a zo en holl gant ur 15 000 den bennak o chom enno. Matāʻutu eo ar gêr-benn hag ar gêr vrasañ.

Melestradurezh[kemmañ]

Banniel diofisiel Wallis ha Futuna.

Daoust ma'z eo stag ouzh Republik Frañs hag eo bonreizh ar Vvet Republik eo a vez lakaet da dalvezout, ez eo renet an tiriad gant roueed henvoazel, ha tri a zo anezho.