Triskell

Eus Wikipedia

Mont da : merdeiñ, klask

Ur strollad sonerien zo anvet An Triskell .

Triskell troet war an tu kleiz. Hennezh eo a vez gwelet e Breizh.

Un doare triskell all, peuzheñvel

Triskell eus Oadvezh ar Maen, a-hervez

Triskell all, kar d'an hini a-us

An triskell ( ger deuet eus ar gregach τρισκελης, triskelê, teir gar, dre ar gallekadur triscèle) zo un arouez evel ur seurt kroaz teirgarek. E broioù zo (Manav, Sikilia) eo eeun linennoù an triskell, e re all eo kromm , evel e Breizh ma'z eo deuet da vout unan eus an arouezioù breizhek.
Tud zo a gred hag a lavar eo un arouez keltiek. Re all a lavar n'eo ket, nag a orin nag a implij hiziv. Met gwir eo n'eus lec'h ebet ma vez gwelet kement hag e Breizh.
Keñveriet e vez gant al lauburu euskarat a-wechoù dre m'int deuet o-daou da vezañ evel arouezioù broadel.

[kemmañ] Istor

Kavet e vije bet an arouez war ar vein en ul lec'h a vije ken kozh ha Oadvezh ar Maen, e Newgrange en Iwerzhon.

Deuet eo an arouez da vezañ diouzh ar c'hiz gant brud sonerezh breizhek Alan Stivell er bloavezhioù 1970.

[kemmañ] Ster

Meur a ster zo lakaet d'an triskell, hervez e implijerien, ha liamm ebet etreze alies, pa weler kristenien ouzh e implij evel arouez an Drinded, ha sadomazoc'heien evel arouez ar c'hoari-tri.

[kemmañ] Broioù all

E broioù all ivez e kaver triskelloù nemet ne vez ket kromm an teir gar atav, evel war banniel Enez Manav, pe war hini Sikilia. E Sikilia e vez graet trinacria eus an triskell.

[kemmañ] Politikerezh

Implijet eo bet an arouez gant ur rannarme SS e-pad an Eil Brezel-Bed, gant ur strollad Suafrikat, ha gant strolladoù politikel e Sikilia. Implijet e vez ivez gant kleuboù sport, e Breizh evel e lec'h all, en Aostria da skouer.

[kemmañ] Skeudennoù

[kemmañ] Kizelladurioù pe livadurioù istorel

Gorgon askellek. VIvet kantved kent JK.
Triskell eus Gotland gant naered
Triskell eus an XIIvet pe XIIIvet kantved en un iliz Karja, e Saaremaa, en Estonia. Arouez an Drinded eo an triskell d'ar gristenien.
Triskell gant teir gad en iliz-veur Paderborn en Alamagn.
Triskell e penn un torc'h kelt e Galiza.