Plesei

Labour ’zo d’ober c’hoazh a-raok peurechuiñ ar pennad-mañ. Ma fell deoc’h reiñ un tamm skoazell, krogit e-barzh. Mar karfec’h reiñ hoc’h ali ha netra ken, grit ’ta e pajenn ar gaozeadenn.

Plesei
Kumun eus Breizh
Melestradurezh
Bro istorel	Naoned
Departamant	Liger-Atlantel
Arondisamant	Kastell-Briant
Kanton	Sant-Nikolaz-an-Hent
Kod kumun	44128
Kod post	44630
Maer Amzer gefridi	Bernard Lebeau 2008-2014
Etrekumuniezh	Kumuniezh-kumunioù Bro-Redon
Lec'hienn web	http://www.mairie-plesse.fr/
Poblañsouriezh
Poblañs	4 528 ann. (2009)
Stankter	43 ann./km²
Douaroniezh
Kenurzhiennoù	47° 32′ 33″ Norzh 1° 53′ 09″ Kornôg
Uhelderioù	krenn : m bihanañ 1 m — brasañ 66 m
Gorread	104,38 km²
Plesei

Plesei a zo ur gumun eus Kanton Sant-Nikolaz-an-Hent, e Liger-Atlantel, e gevred Breizh. Plessé eo an anv e galleg, Pllésë e gallaoueg.

An anv

Un anv brezhonek eo anv ar gumun. Savet eo diwar ple, deuet eus plouef, ha Sei, anv ur sant, Sei pe Seog.

Meur a gêriadenn a zo er gumun gant an anv "Sei" : Tresei, Lann-Sei...

Douaroniezh

Plesei a zo unan ag ar c'humunioù brasañ a zo el Liger Atlantel, kement ha Pariz eo, gant 10 400 hektar.

Teir bourc'h a zo enni : Plesei, an Draeneg, Le Coudray.

Istor

E fin an IX^vet ha deroù an X^vetvet kantved e oa bet Alan Iañ o chom e Plesei, e kastell Sei war ribl ar stêr Isar. Nend eo ket mui ar c'hastell anezhañ avat. E penn kentañ an XIX^vet kantved e veze gwelet e roudoù war ar barkeier c'hoazh avat.

Alan I^añ a oa roue Breizh, trec'het ar Vikinged gantañ e Kistreberzh.

Lavaret e vez eo bet ar mare-se "oad aour" Plesei. Pezh a zo gwir a-walc'h. Evel-se Alan I^añ, e vibien Budig ha Derrien hag e goskor o deus degemeret Eudes, Roue Bro C'hall e kastell Sei.

Hervez istorourion zo, ez eus bet ur villa roman hag ur c'hreñvlec'h galian kent bout adsavet gant ar roue.

Pa voe savet an hent bras etre Gwenred ha Plesei e penn kentañ an XIX^vet kantved ez eus bet dizoloet bezioù ag ar Grennamzer uhelañ.

Hervez ur vojenn ez eus ur garidenn etre pezh a oa ar c'hastell hag un tour e Gwenvenez-Penfaou...

War dorgenn lec'h ma oa ar c'hastell gwezharall emañ kêriadenn "Sant Kler" hiziv an deiz. Sant Kler a zo ur Sant a bouez er barrez. Ur chapel a oa er gêriadenn betak he distruj e pad an eil brezel bed. Pont Sant Kler a zo bet distrujet ganti ivez.

War-lerc'h eo bet ar gumun dindan beli familh Roc'han a Vlaen.

Er XIV^vet kantved e voe savet un aluzendi Sant Armel er Rozay gant Arzhur II.

Kendirvi Lalokan

Meneget eo ar barrez en diellevr Redon, e 854: Kovellig ha Brithael, kendirvi Lalokan o doe galvet ar marc'htiern Houarnskoed (Hoiarnscoit) evit bout e penn kêriadenn "Treb-Hinoi" a oa da Lalokan kent e varv. E Sarant (Gwenvenez-Penfaou)eo bet ar varn gant menec'h Redon

[Diellevr Redon http://img268.imageshack.us/img268/4941/pless.jpg]

Tud dibar

• Lucien Mazan (1882-1917), lesanvet Petit-Breton, aet ar maout gantañ da-geñver Tro Bro-C'hall war varc'h-houarn e 1907 ha 1908. Lazhet eo bet e-pad ar Brezel-bed kentañ e Troyes.

• Charles Perron (1893-1958), livour gall, aet da anaon e Naoned d'an 18 a viz Ebrel.

• Michel Manoll (1911-1984), skrivour ha mignon da René-Guy Cadou

Glad

• Iliz Sant Per Plesei (1875)
• Chapel ar Plessis (XV^vet)
• Chapel Karheil
• Maner ar "chêne vert" (XVII-XVIII), Aotrou Tregwel a oa e berc'henn
• Meur a fetan "hud", en Draeneg hag e Sant Kler (a bar poan an daoulagad)
• Kastell Karheil, distrujet eo bet e pad an eil brezel bed en abeg d'ar bombezadegoù.

Ur bochad kestell a zo er gumun :

• Kastell Koed-Dan
• Kastell "l'Epinay"
• Kastell Buhel
• Kastell "Sein des bois"
• Kastell Boduan ...

Ha Peulvan "dent Gargantua" etre Lann-Sei ha Sant Kler. Hrevez ar solc'hienn eo kouezhet ar peulvan diouzh botez Gargantua ha flastret en deus ur pesketaer a oa didanañ.

Yezhoù

Emañ Plesei e Bro C'hallo, komzet e vez Gallaoueg er barez eta.

Ar brezhoneg a zo bet komzet ivez gant tud Plesei gwezharall, ur bochad anvioù lec'h brezhonek a zo er gumun, muioc'h ag 20% hrevez labour Jean Yves Le Moing. Setu lod anezho : Toulan (toul-lann), Tresé (Tre-Sei), Govelo, Couët-Dan, Hinlès (Hen-lez), Tregouët (Tregoed), Dresny (Draeneg), ....

Gallout a reer gwelet eo aet Kerguemer (1420) da g/Carguemey (1562) etre en XVvet hag an XVIvet kantvet. Ar c'h"kêr" a ya da g"car" a hell bout arouez ur cheñch yezh. Ur arouez arall eo "Quélme", n'eo ket aet da "g/Kalvez" ar ger-se. Neuze eo bet koll ar brezhoneg e Quélmé er XIVvet kantvet marteze.

Melestradur

Roll ar maeroù
Maread	Anv	Strollad	Perzh
2008 –	Bernard Lebeau	-
1995 – 2008	Paul Daniel	-	-
N'eo ket anavezet c'hoazh an holl fedoù.

Poblañsouriezh

1962-2006

Niver a annezidi

1793-2009

Liammoù diavaez

Lec'hienn an ti kêr : [1]

Ul lec'hienn a ziwar istor ar barrez : [2]

• Plesei war Geobreizh