Loer

Ur paotr gwisket gantañ e loeroù. Ar roue gall Charlez IX, livet gant François Clouet.

Paotred Aostria gwisket o loeroù gloan gwenn gante. Dilhad a wechall.

Div loer niloñs, louet o liv, ispilhet ouzh ur speurenn.

Restr:Jan Havicksz. Steen00.jpg.

Plac'h o tennañ he loeroù, livet gant Jan Havicksz

Plac'h he loeroù du

Ul loer zo ur pezh dilhad da wiskañ an troad hag ul lodenn eus ar c'har: a-wechoù betek dindan ar penn-glin, a-wechoù betek krec'h ar vorzhed.

Gwechall e veze gwisket loeroù gant paotred koulz ha gant merc'hed. Hiriv avat int graet evit merc'hed. Gwechall ivez e vezent graet e gloan, seiz pe satin, ha hiriv e niloñs peurvuiañ.

An diaezamant gant al loeroù, eo penaos o derc'hel. Implijet e vez ereoù pe poelloù, a vez graet meur a anv anezho: doug-loeroù, ere-loeroù, poell-loeroù, garigell.

[kemmañ] Istor

Adalek ar Grennamzer e veze gwisket ar c'horf penn-da-benn: loeroù evit an daoudroad, ha bragoù evit an divhar.

E 1939 e voe graet al loeroù niloñs kentañ. Ur mell araokadenn, pa ne vezent ket drailhet ken aes hag ar re seiz a gouste ker-ruz. Pa zilestras ar soudarded stadunanat e 1944 en Europa e oa gante loeroù niloñs, en o seier, a vil-vern.