Kopenhagen

Eus Wikipedia
Mont da : merdeiñ, klask
Kopenhagen
København

Kopenhagen stadhuis.jpg

Bro Danmark
Rannvro Hovedstaden (rannvro)
Kod pellgomz
Maer (Overborgmester)
Amzer gefridi
Frank Jensen (sokialour)
2009-
Gorread
- Takad kêrel a-bezh
88 km²
455.61 km²
Hed 12° 34' R
Led 55° 43' N
Uhelder 1 m
Poblañs hep kontoù doubl
- Takad kêrel a-bezh
528 208 (2010)

1 181 239
Stankter 6 002/km²

København ([købm̩ˈhawˀn], e daneg) pe Kopenhagen (hervez an alamaneg) eo kêr-benn ha kêr vrasañ Danmark. Dont a ra anv danek ar gêr eus distummadur ur stumm koshoc’h Købmandshavn a dalveze "porzh ar varc’hadourien", dre ma oa ur porzh-mor lec’hiet brav e digor ar Mor Baltel, war aod reter enez Sjælland. Dont a ra an anv brezhonek eus ar stumm alamanek Kopenhagen, zo tremenet e meur a yezh eus kornôg Europa. E Kopenhagen emañ sez parlamant Danmark ha palez ar roueed. War-dro 1,8 milion a dud zo o chom e kêr ha tro-dro.

Istor[kemmañ]

Kopenhagen - Danmark

Savet e voe Kopenhagen war-dro ar bloavezh 1000, gant Sweyn I hag e vab Knut ar Bras. Ur gêriadenn vras a besketaerien e voe betek kreiz an XIIvet kantved, pa zeuas da vezañ perc’hennet gant an eskob Absalon ha pa voe kreñvaet gantañ e 1167. Dre ma oa mat ar porzh e kreskas Kopenhagen evit dont da vezañ ur greizenn genwerzh a bouez. Taget e voe meur a wech gant Kevre an Hansa, dre ma oa c’hoantaet pinvidigezh ar porzh bras gant tud hanternoz Alamagn. E 1658-1659 e voe lakaet seziz war kêr gant Svediz Karl X. E 1801 e voe un emgann er porzh etre morlu Breizh-Veur, renet gant an Amiral Parker, ha morlu Danmark. E 1807 adarre e voe listri Breizh-Veur eno, o vombardañ Kopenhagen evit ma ne gouezhfe ket morlu Danmark etre daouarn Napoleon I. Neuze e voe distrujet ul lodenn vat eus kêr ha kantadoù a dud a voe lazhet. E-pad an Eil brezel bed e voe aloubet Kopenhagen hag ar peurrest eus Danmark gant soudarded alaman, etre miz Ebrel 1940 ha miz Mae 1945.

Abaoe ar bloavezh 2000 eo liammet kêrioù Kopenhagen ha Malmö, e Sveden, gant ur pont-riboul (Pont Øresund), ma c’hell tremen trenioù ha kirri.

Endro[kemmañ]

E miz Kerzu 2009 e vo aozet un emvod etrevroadel war tommadur an hin gant Aozadur ar Broadoù Unanet.

Un nebeud tud vrudet genidik eus Kopenhagen[kemmañ]

Kêrioù gevellet[kemmañ]

Liammoù diavaez[kemmañ]