Kankaven

Kankaven
Beg an Trein.
Anv gallaouek	Cauncall
Anv gallek (ofisiel)	Cancale
Bro istorel	Bro-Sant-Maloù
Melestradurezh
Departamant	Il-ha-Gwilen
Arondisamant	Sant-Maloù
Kanton	Sant-Maloù-1
Kod kumun	35049
Kod post	35260
Maer Amzer gefridi	Pierre-Yves Mahieu 2020-2026
Etrekumuniezh	Sant-Maloù Tolpad-kêrioù (sez)
Bro velestradurel	Bro Sant-Maloù
Lec'hienn web	www.ville-cancale.fr
Poblañsouriezh
Poblañs	5 313 ann. (2020)
Stankter	143 ann./km²
Douaroniezh
Daveennoù lec'hiañ	48° 40′ 46″ Norzh 1° 49′ 35″ Kornôg
Uhelderioù	bihanañ 0 m — brasañ 45 m
Gorread	37,19 km²
Kankaven

Kankaven zo ur gumun e biz Breizh. Ur porzh pesketa eo. Anavezet eo gant e istr. E kanton Sant-Maloù-1 emañ.

Douaroniezh

War aod Bro-Sant-Maloù emañ Kankaven, etre Sant-Maloù ha menez Mikael ar Mor. Eus Kankaven betek Sant-Maloù ez eus 15 kilometr. E Norzh Kankaven emañ Beg an Trein e-lec'h ma c'haller gwelout ar C'hab Frehel er C'hornôg ha Granville er Reter. Er reter dezhi emañ an Enez Rimains. Inizi Kalzenez a c'haller gwelout ivez.

Anv

• Erwan Vallerie ː Chancavena et ... Porpican ... Sancti Mewen Judichel, 1032; Cancavena, 1038; Cancaura, 1172; Cancavria, 1184; Cancala, 1199; Cancavna, 1210; Cancale, XVI^vet; Cancalle, 1779;

Ardamezioù

En glazur, e viskin en sabel gwisket en argant, mordoant war ur mor geotet, heuliet gant daouzek istr en aour ouzh c'houremm, balirant, e c'hrenngonk en argant karget gant un erez daoubennek en sabel pigoset hag iziliet en gul.

Istor

Porzh an Houl e 1896

Kartenn-bost porzh Kankaven e miz Du/Kerzu 1903

Ar "Georges Clemenceau", an teirgwern diwezhañ bet savet e Kankaven, 1919

Henamzer

• Stummet e veze ar Romaned gant istr Kankaven.

VI^vet kantved

• Diazezet eo bet ar gêriadenn-se gant Sant Meven moarvat war-dro 545.

XVII^vet kantved

• Eus Kankaven ez eas kuit listri Daniel de La Touche, Aotroù ar Ravardière d'an 19 a viz Meurzh 1612 evit Brazil. Daniel de La Touche a ziazezas kêr São Luis er Maranhão e Brazil.

Dispac'h Gall

• Dekred eus ar 26 a viz Du 1790 war al le ret: nac'het e voe al le ouzh ar Roue, ar vro hag al lezennoù gant ar person.

XX^vet kantved

Brezel-bed kentañ

• 197 gwaz a gollas o buhez abalamour d'ar brezel hervez monumant ar re varv , da lavaret eo 2,58% ag ar boblañs hervez an niveradeg bet graet e 1911; pemp anezhe a varvas d'an 22 a viz Eost 1914 en Emgann Rossignol e Belgia.

Eil Brezel-bed

• Mervel a reas 36 den eus ar gumun abalamour d'ar brezel.
• D'ar 17 a viz Even 1944 e kouezhas un nijerez Junkers Ju 88 G-1 eus an aerlu alaman (Luftwaffe) e donvor Kankaven; tri nijour ar varvas, daou anezhe a zo douaret e Marigny.

Brezel Korea

• Lazhet e voe ur soudard eus ar gumun e Pochum Dong e rannvro Myojang Myon d’a 21 a viz C'hwevrer 1953.

Brezelioù didrevadennañ

Brezel Indez-Sina

• Mervel a reas daou vilour eus ar gumun er Viêtnam.

TOE

• Mervel a reas daou soudard.

Morskorneg e 1963

• Yen-skorn e oa an amzer ar bloaz-se: -16°C e-pad an noz etre an 19 hag an 20 a viz Genver 1963. Sac'het e voe ar porzh e-pad ur sizhunvezh gant ar vorskorneg.

Darvoudoù sport a bep seurt

• 4 a viz Gwengolo 1911 : tapet rekord ar bed an uhelder (3 950 m) gant ar nijer gall Roland Garros goude dibradañ diouzh traezhenn Kankaven.
• 10 a viz Gouere 1982 : 7vet tennad-hent Tro Bro-C'hall etre Kankaven ha Konk-Kerne ; trec'h eo Pol Verschuere (Belgia).

Monumantoù ha traoù heverk

• 
  An iliz katolik.

• Iliz katolik Sant Meven.

• 
  Ar monumant.

• Monumant ar re varv e bord ar mor, luc’hskeudennoù ha kartenn-bost. Dioueliet e voe d’ar 15 a viz Du 1931.
• Monumant ar re varv er vered, luc’hskeudenn.
• Plakennoù ar re varv (1914-1918 ha 1939-1945) en iliz katolik, luc’hskeudennoù.
• Monumant ar c’hwec’h den marvet e 1944, luc’hskeudennoù.

Armerzh

Pesketa

Ar gumun a oa rannet e daou :

• en traoñ porzh an Houl bet savet ar chaoser anezhañ e 1836,
• e krec'h ar vourc'h e-lec'h ma oa o chom ar genwerzherien hag ar baramantourien betek diskrog-labour bras paotred an Douar-Nevez e 1911.

Tud Kankaven a besketae ar moru en XVIvet kantved betek deroù an XX^vet kantved. Adsavet eo bet ar viskinenn Ar Gankavenadez e 1987.

Obererezhioù

• Labour-douar (kaol-fleur).
• Gounit istr
• Pesketaerezh meret e borzh gant Kambr Kenwerzh ha Greanterezh Bro Sant-Maloù.
• Touristerezh

Kartenn-bost al Leti Duguesclin e 1903, ur bloaz goude bezañ digoret

• 
  Lennoù istr
• 
  Ar porzh

An deiz a hiziv

• Diorroet eo bet an touristerezh, ar restaorantoù ha gwerzhañ an istr.

Emdroadur ar boblañs abaoe 1793

	1793	1800	1806	1820	1831	1836	1841	1846	1851	1856	1861	1866	1872	1876
Poblañs	3 177	3 003	3 414	4 121	4 880	5 151	5 230	5 065	5 826	6 105	6 352	6 400	6 654	6 239
poblañs hep kontañ doubl

	1881	1886	1891	1896	1901	1906	1911	1921	1926	1931	1936	1946	1954	1962
Poblañs	6 523	6 721	6 578	6 641	6 549	7 061	7 627	6 635	6 340	6 029	5 635	5 569	5 463	5 236
poblañs hep kontañ doubl

	1968	1975	1982	1990	1999	2006	2007	2013
Poblañs	5 019	4 780	4 638	4 910	5 203	5 285	5 293	5 208
poblañs hep kontañ doubl

• Mammenn : EBSSA

Melestradurezh

Roll ar vaered
Mare		Anv	Strollad	Karg
1833		Jean Marie Merdrignac
1871		Prudent Fortin
1945		Adolphe Robin
1965	1977	Olivier Biard
1978	1989	Jean Raquidel
1989	2001	Joseph Pichot	Tu dehoù
2001	2008	Maurice Jannin	Tu kleiz bennak
Meurzh 2008	→ bremañ	Pierre-Yves Mahieu	Tu dehoù
N'eo ket anavezet c'hoazh an holl fedoù.

Tud

• Jeanne Jugan, diazezerez kumuniezh C'hoarezed Vihan ar Re Baour
• Olivier Roellinger, keginer
• Auguste Denis-Brunaud, liver
• René Vautier, filmer, en deus bevet eno un darn eus e vuhez
• (en) Eugène Feyen (1815-1908) liver Kankaven
• Erwan ar Menga (1909 - 1998), beleg ha skrivagner.
• Yves Laloy (1920 - 1999) liver surrealist

Monumantoù ha lec'hioù heverk

• an aod (Beg an Trein, Menez-Mikael)
• Mirdi ar c'hoadoù skultet
• porzh an Houl
• ti-feurm ar mor (diwar-benn an istr hag ar grogenn)
• Mirdi an Arzoù ha Hengounioù ar Bobl
• ti Jeanne Jugan

Gevelliñ

• Arnstein, Bayern, Alamagn
• Mittelwihr, Roen-Uhel, Elzas, Bro-C'hall
• Les Saisies, Savoie, Savoia, Bro-C'hall

Levrlennadur

• F. Bouleuc, Cancale son origine et son histoire, La Decouvrance éditions.
• Éditions du Phare, à Cancale.
• Léo Kerlo et René Le Bihan, Peintres de la Côte d'Émeraude, Le Chasse-Marée/ArMen 1998.
• René Le Bihan, Léo Kerlo, édition Chasse-Maree Estran Cancale
• Annick Rouxel, Cancale - Étude démographique. 1757-1800, 1970, (Archives départementales d'Ille-et-Vilaine - Mémoire 2 J 10).
• Erwan Vallerie : Diazezoù studi istorel an anvioù-parrez. Corpus. An Here. 1995

Lec'hiennoù ofisiel

• (fr) (en) Lec'hienn kêr Kankaven
• (fr) Pezhioù savouriezh rummet e Kankaven war lec'hienn Ministrerezh ar Sevenadur (gall)
• (fr) Pezhioù arrebeuri rummet e Kankaven war lec'hienn Ministrerezh ar Sevenadur (gall)

Lec'hioù all

• Kankaven war al lec'hienn Geobreizh
• (fr) Kankaven war al lec'hienn Armorance
• (fr) Kevredigezh mignoned ar biskinennoù hag ar c'hKankaven kozh