Gab Milin
Gab Milin pe Gabriel Milin a voe ur skrivagner brezhonek. Ganet e oa bet d’an 3 a viz Gwengolo 1822 e Kastell-Paol ha marvet d’ar 27 a viz Kerzu 1895 en Enez-Vaz.
En e vugaleaj e teskas galleg, latin ha gregach gant un eontr dezhañ a oa beleg. Mont a reas d’ober e studi da gloerdi bihan Kastell-Paol da gentañ ha da gloerdi bras Kemper da c’houde. Ne chomas nemet bloaz hanter eno avat ha goude-se e kavas labour evel komis e burevioù porzh Brest. Eno e tarempredas brezhonegerien eus a bep lec’h ha dastum a reas ganto kontadennoù ha mojennoù.
Ober a reas anaoudegezh gant ar c’horonal war e leve Troude, a oa troet d'ar brezhoneg eñ ivez. A-gevret e savjont meur a levr.
Ma ne oa nemet anv Troude war golo an tri geriadur, 2 galleg-brezhoneg ha 1 brezhoneg-galleg, a oe embannet etre 1842 ha 1879, kredapl eo m'en deus degaset e anaoudegezhioù hag e gavadennoù Gab Milin ivez.
Ur wech aet war e leve e 1882 e voe rener ar gelaouenn Feiz ha Breiz, etre 1883 ha 1884. Bloaz goude ez eas da vevañ war Enez-Vaz ha dilennet e voe da vaer eno. En Enez-Vaz e varvas hag eno emañ e vez.
[kemmañ] Oberennoù
- gant Troude:
- Jezus-Krist, skouer ar Gristenien (1862),
- Ar Marvailler brezounek, pe marvaillou brezounek (1870),
- Labous ar wirionez ha marvaillou all.
- Labous ar wirionez , Al Liamm 1950.
- e-unan
- Marvaillou grac'h koz (1867),
- Furnez ar geiz euz a Vreiz (1868)
- Gwechall-goz e oa..., 1924.
