Augeias

Eus Wikipedia
Mont da : merdeiñ, klask

Augeias, pe Augias, a oa ur roue eus mojennoù Hellaz hag en devoa marchosioù bras meurbet. Lous ha flaerius e oant dre ma oant leun a loened, hag a rae bernioù teil, . O naetaat a reas Herakles dre lakaat div stêr da dremen enno, ha hennezh a voe ar pempvet eus e drevelloù.

E anv[kemmañ]

E gregach e oa Αυγείας / Augeías, a dalv kement ha skedus.

Ur roue[kemmañ]

Herakles o tinaoziañ ar stêrioù Alfeüs ha Peneüs. Marelladur e Liria (Proviñs Valencia), hiziv er M.A.N. (e Madrid).

Mab e oa da Helios ha da Hyrmine (pe da b-Poseidon), ha roue e oa en Elis. Lavaret e voe e oa mab da Aktor. Pried da Epikast e oa.

Krevier bras en devoa, ha den n'en devoa kement a bennoù-chatal hag eñ. Dre ma ne oa ket bet skarzhet dindane gwech ebet abaoe un 30 vloaz e save flaer euzhus diwarne. Urzh a voe roet da Herakles gant e genderv Euristeüs mont d'o naetaat.

Pa ginnigas Herakles labourat evit Augias e prometas ar roue reiñ dezhañ ul loen diwar zek eus e bennoù chatal ma teuje a-benn da beurechuiñ al labour en un ober un devezh. Ha dont a-benn a reas Herakles o lakaat ar stêrioù Alfeus ha Peneios da dremen er marchosioù. Echu gantañ e labour, setu Herakles da c'houlenn e c'hopr. Fuloret e oa Augias, nac'h paeañ a reas ar roue, petra bennak ma save e vab File a-enep dezhañ. O c'has kuit a reas o-daou diwar e dro gant ar fulor.


Diwezhatoc'h e nac'has ar c'henderv kontañ hennezh e-touesk an daouzek trevell dre ma ne oa ket bet graet al labour gant Herakles e-unan, met gant ar stêrioù, ha dre ma oa bet paeet. Kontaén a reas e chome c'hoazh seizh trevell da ober, ma kasas an haroz da drec'hiñ Evned lenn Stimfal.

Tri bloaz goude e teuas Herakles pa oa tud Eulis oc'h ober ul lid d'an doue Poseidon, ha lazhañ a reas Euritos, mab da Aogias.

Diwezhatoc'h e tistroas gant un arme da aloubiñ kêr Elis, ober freuz ha reuz enni, ha lazhañ ar roue. Gervel a reas neuze File da zont en-dro da gemer ar garg a roue e-lec'h e dad. Evit lidañ e drec'h ec'h aozas ar c'hoarioù olimpek kentañ.


Tro lavar[kemmañ]

Implijet e vez aliezik an droienn marchosioù, pe krevier, Aogias, evit ober anv eus ul lec'h lous meurbet, ha betek er politikerezh pa geñverier stadoù pe gouarnamantoù gant ar c'hrevier flaerius-se. Lavaret e vez naetaat marchosioù, pe krevier, Aogias eus ul labour diaes da gas da benn ha n'hall ket ne vern piv ober, nemet un den par da Herakles e ve, hogen un dra a vefe ret ober evit gwellaat ar vuhez er vro.


Pennad kar[kemmañ]