Ya d'ar brezhoneg
- Ma klasker sterioù all ar ger Ya n'eus nemet sellout ouzh ar pennad Ya. Ya 'vat !
| Stad | Frañs  |
|---|---|
| E tiriad | Breizh |
| Lec'hienn ofisiel | http://www.fr.brezhoneg.bzh/31-ya-d-ar-brezhoneg.htm |
Ur c'houlzad kaset gant Ofis ar Brezhoneg evit kas ar yezh war-raok e buhez pemdez an holl Vretoned eo Ya d'ar brezhoneg.
Daou live zo dezhañ.
Ya d'ar brezhoneg 1
[kemmañ | kemmañ ar vammenn]D'ar 5 Here 2001 e oa bet roet lañs dezhañ, e Karaez. 177 framm eus ar gennad prevez a oa bodet evit sinañ un emglev a-benn kas ar brezhoneg war-raok en o mont en-dro pemdeziek (panellerezh, stummadur evit o gopridi, paper talbennet...).
En o zouez e oa frammoù bras (CMB, Kambr Kenwerzh ha Greanterezh Kemper...), artizaned, kluboù sport...
E dibenn 2008 e oa 635 framm a oa aet war o heul. Un hanter anezho a zo embregerezhioù.
E miz Gwengolo 2011 e c'heller kontañ 688 framm war ar roll. [1]
Ya d'ar brezhoneg 2
[kemmañ | kemmañ ar vammenn]Hemañ a zo gouestlet d'ar c'humunioù.
D'an 22 Kerzu 2004 e oa bet roet lañs dezhañ, e Pondi. 10 kumun a oa eno, graet o soñj gant o dileuridi kas da nebeutañ 5 ober resis diwar an 28 anezho a yae d'ober ar garta Ya d'ar brezhoneg d'ar mare-se (40 ober zo bremañ). Labelioù a zo roet dezho, ur wezh bet kaset o oberoù da benn.
E miz C'hwevrer 2009 ez eus 98 kumun bet sinet eil doare Ya d'ar brezhoneg ganto.
E miz Gwengolo 2013 ez eus 164 kumun bet votet ar garta ganto.
Sinadurioù
[kemmañ | kemmañ ar vammenn]
Amañ da heul e kavoc'h ul listenn eus an aozadurioù a-bouez, pe aouezius evit Breizh hag o deus sinet Ya d'ar brezhoneg.
- Skol eil derez Sant-Frañsez-Itron-Varia Lesneven (31 a viz Genver 2006)
- Ar Re C'hlaz (19 a viz Gwengolo 2008)
- Skol-veur Breizh-Uhel e Roazhon (Kerzu 2008)
- Musée de Bretagne (26 a viz C’hwevrer 2009)
- Strollad Breizh (23 a viz Ebrel 2009)
- Bagad Bro Landerne (4 a viz Kerzu 2009)
- Unvaniezh Demokratel Breizh (11 a viz Kerzu 2009)
- Park an Arvorig (16 a viz Kerzu 2009)
- Produet e Breizh (18 a viz Kerzu 2009)
- Nevez-Amzer ar C’hastell-Nevez (16 a viz Ebrel 2010)
- Skipailh mell-droad Plouzane, ar Plouzane Athlétic Club (Sadorn 29 a viz Mae 2010)
- Poc’hêr Kumuniezh
Gwelet ivez
[kemmañ | kemmañ ar vammenn]Roll ar c'humunioù o deus votet ar garta Ya d'ar brezhoneg .
Liamm diavaez
[kemmañ | kemmañ ar vammenn]
|
Porched Breizh – Adkavit pennadoù ha rummadoù Wikipedia a denn da Vreizh. |