World of Tanks

World of Tanks
World of Tanks
Diorroer	Wargaming Minsk
Stumm diwezhañ	0.9.19.0
Endro	Lies-savenn
Yezhoù	Lies-yezh
Doare	C'hoari Video liesc'hoarier
Lec'hienn web	https://worldoftanks.eu/

World of Tanks zo ur c'hoari liesc'hoarier enlinenn MMOG (Massively Multiplayer Online Game) sevenet gant an embregerezh Belarusian-ha-kiprenezat Wargaming hag embannet gant Wargaming.net. Diazezet eo war emgannoù ar c'harbedoù brezel e-kreiz an XX^vet kantved. Savet eo bet ar c'hoari war patrom ar c'hoarioù freemium. Tennet eo ar pep brasañ eus tankoù ar c'hoari eus merkoù gwirion pe eus raktresoù eus kentañ lodenn an XX^vet kantved, a c'haller da welet e mirdioù ar bed. Bodañ a ra ar c'hoari tankoù soviedek, alaman, amerikan, gall, saoz, japanat, sinaat, eus Tchekoslovakia, Sveden, Polonia hag Italia.

Ar c'hoari a zo digoust (Free-to-play), e bellgargañ a c'haller en ur feson dieub met ar c'hoarierien a zo bountet warno evit paeañ traoù ouzhpenn hag a lak anezho da vezañ c'hoarierien premium.

World of Tanks a zo bet azaset war savennoù liesseurt e-touez ar c'hoñsolennoù c'hoarioù video. Sevenet e oa ar c'hoari war an Xbox 360 gant Wargaming West studio. An titl a oa World of Tanks: Xbox 360 Edition. Ar c'hoarierien war Xbox 360 a implij servijerien disheñvel evit re ar c'hoarierien a c'hoari war ar savenn Windows. Hervez ar savenn choazet o deus ar c'hoarierien kontoù disheñvel, unan evit pep savenn.

Embannet e oa bet ar c'hoari war ar PlayStation 4 er bloavezh 2016. World of Tanks a zo bet azasaet ouzh ar pellgomzioù hezoug dindan an anv World of Tanks Blitz. Ouzhpenn-se ez eus bet savet ur c'hoari-daol anvet World of Tanks Rush ha World of Tanks: Generals, ur c'hoari kartoù da-heul berzh mat ar c'hoari.

Doare da c'hoari[kemmañ | kemmañ ar vammenn]

Klasket e vez gant an embregerezh lakaat ar c'hoari da vezañ c'hoariet c'hoarier a-enep c'hoarier. Bleinañ a ra ar c'hoarierien pep a c'harbed-stourm hobregonet ([tank]où skañv, kreiz pe ponner, distrujerien tankoù, kanolioù emgefreek). Ar spered hag an doare da c'hoari a chom hini hini ur c'hoari liesc'hoarier evel-just.

World of Tanks a zo kroget evel ur c'hoari doare eSport e-pad ar World Cyber Games e 2012.

Skeudennoù[kemmañ | kemmañ ar vammenn]

Bruderezh evit ar c'hoari war ur c'harr-nij.
Brudañ World of Tanks
Bruderezh e Gamescom 2012