Smith & Wesson Model 10

Smith & Wesson Model 10; Smith & Wesson M&P
	; ; Ur revolver Smith & Wesson Model 10 produet da vare an Eil Brezel-bed
Kinnig
Bro orin	Stadoù-Unanet Amerika
Doare	Revolver
Mont en-dro	Platinenn daou-ober (DA)
Munisionoù	.38 Long Colt (stumm orin); .38 Special; .38 S&W
Bloavezh krouidigezh	1899
Produer	Smith & Wesson
Mare produiñ	Abaoe 1899
Pouez ha muzulioù
Mas (hep kartouchenn)	0,960 kg
Hirder ar c'hanol	2" (51 mm); 2,5" (64 mm); 3" (76 mm); 4" (102 mm); 5" (127 mm); 6" (152 mm)
Perzhioù all
Tizh mont e-maez ar boledoù	300 m/s (e .38 Special)
Endalc'h	Taboulin 6 tenn
Stummoù all	Gwelet an destenn
Lezenn
Rummad e Bro-C'hall	B

Ar Smith & Wesson Model 10, anvet da gentañ Smith & Wesson .38 Hand Ejector Model of 1899, ha bet anvet ivez Smith & Wesson Military & Police pe Smith & Wesson Victory Model hervez ar mare, zo ur revolver c'hwec'h tenn kalibr .38, dezhañ ur blatinenn daou-ober, produet gant an embregerezh amerikan Smith & Wesson abaoe 1899. Savet eo tro-dro d'ar stern K, ment krenn ar merk. Unan eus revolverioù gwerzhetañ an XXvet kantved eo, ha war-dro 6 milion a skouerennoù anezhañ zo bet produet^[1].

Istor

Urzhiet e voe da gentañ dindan an anv Smith & Wesson .38 Hand Ejector Model of 1899 gant an arme stadunanat e 1899. Kambret e oa ar stumm kentañ-mañ e .38 Long Colt^[1]. Betek-neuze e veze produet revolverioù dezhe ur ganol da wintañ gant Smith & Wesson, met abalamour da gresk galloud ar munisionoù e rankas an embregerezh sevel armoù dezhe un daboulin hag a winte war ar c'hostez^[2]. Goude klemmoù a-berzh ar soudarded e kinnigas buan ar merk ur stumm galloudusoc'h kambret e .38 Special^[1]. Hemañ eo bet an hini implijetañ e istor ar Model 10.

E 1905 e voe adanvet ar revolver Smith & Wesson M&P (evit Military & Police). Servijout a reas kalz e-pad ar Brezel-bed Kentañ, ha ponlek e teuas da vezañ e-touez ar boliserien goude ar brezel. Da vare an Eil Brezel-bed e voe pourveziet ouzhpenn 590.000 skouerenn eus an arm, anvet neuze Victory Model, d'ar gevredidi. E 1957 e choazas Smith & Wesson reiñ niveroù d'o armoù, ha Model 10 e voe adanvet ar revolver. Poblek-tre e voe an arm e polisoù ar bed betek dibenn an XXvet kantved ha donedigezh ar pistolennoù damaotomatek. Meur a gemmoù bihan a voe degaset d'an arm a-hed ar c'hantved, met chom a reas heñvel dre vras. Paouez a reas e broduiñ e 2010 a-raok adkregiñ e 2012, betek hiziv^[3].

Liammoù diavaez

(en) Ar Model 10 war lec'hienn Smith & Wesson

Daveennoù

↑ ^1,0 ^1,1 ha^1,2 (en) HAWKS Chuck, The Smith & Wesson Model 10 Military and Police .38 Special Revolver (lennet d'ar 27/12/2024)
↑ '(fr)' ROB Houston, STROYAN Christine (renerezh), Armes à feu de légende, Larousse, 2019, p. 163
↑ (en) SUPICA Jim, NAHAS Richard, Standard Catalog of Smith & Wesson, 4th Edition, Gun Digest, p. 204

Stag eo ar bajenn-mañ ouzh Porched an Armoù-tan

[:0-1] 1,0 ^1,1 ha^1,2 (en) HAWKS Chuck, The Smith & Wesson Model 10 Military and Police .38 Special Revolver (lennet d'ar 27/12/2024)

[2] '(fr)' ROB Houston, STROYAN Christine (renerezh), Armes à feu de légende, Larousse, 2019, p. 163

[3] (en) SUPICA Jim, NAHAS Richard, Standard Catalog of Smith & Wesson, 4th Edition, Gun Digest, p. 204

[1]

[2]

[3]