Tekla Iconium
Tekla (Θήκλα/Thekla e gregach) zo ur santez eus ar Iañ kantved. He zud a oa paganed pinvidik e kêr Iconium, a zo Konya e Turki hiziv.
He buhez
[kemmañ | kemmañ ar vammenn]- Gwelout ar pennad Oberoù Paol ha Tekla.
Kristenez
[kemmañ | kemmañ ar vammenn]Anv ebet anezhi en Testamant Nevez. Hervez Oberoù Paol ha Tekla avat, savet en Eil kantved, e oa ur werc'hez yaouank anezhi, diskiblez da Paol Tars. Edo an abostol o kelenn ar feiz kristen en un ti a-gichen, ha Tekla o selaou, kuzhet a-drek ur prenestr. A-benn tri deiz e roas kred da brezeg Paol diwar-benn ar werc'hded hag e c'hoantaas dont da vout kristenez. Ma savas droug en he mamm hag e danvez he fried, Thamyris, a yeas d'he diskuliañ da gouarnour ar vro. Tec'hel a eure Paol, ha kondaonet e voe Tekla da vout laosket en bev. Arnev a voe, ha saveteet ar plac'h. Mont a eure da gaout Paol ha beajiñ gantañ betek Pisidia, ha gouzañv a eure poanioù all.
Eno, un den a renk uhel anvet Aleksandr, a c'hoantaas kousket ganti dre heg. Stourm outañ a eure Tekla, skeiñ gantañ, ma voe barnet ar plac'h abalamour da se. Kondaonet e voe da vout debret gant loened ferv, met ur burzhud a voe, hag ar parezed a zifennad anezhi diouzh dent ar pared.
N'eus skrid all ebet koshoc'h diwar he fenn.
He marv
[kemmañ | kemmañ ar vammenn]Bevañ a eure e Seleukia ma he doa savet ur peniti ha ma vevas betek he 80 vloaz;eno eo e vije bet beziet.
Kehelerezh
[kemmañ | kemmañ ar vammenn]Er c'hornôg e voe brudet adalek ar IVvet kantved. Lidet e vez d'an 23 a viz Gwengolo gant ar Gatoliked ha d'ar 24 a viz Gwengolo en iliz reizhkredennek. Pedet e vez evit an dud seizet hag ar vugale ha n'eont ket o-unan c'hoazh.
Kehelerezh er Reter
[kemmañ | kemmañ ar vammenn]Abalamour da Oberoù Paol ha Tekla a voe anavezet mat e Reter an impalaeriezh roman war a seblant eo e voe brudet ar santez hag enoret abred. Gwelet e veze evel ar verzherez kentañ hag ur santez par d'an ebestel zoken. Kement-se a c'hallfe prouiñ ez eus un diazez istorel d'ar vojenn.
Efesa
[kemmañ | kemmañ ar vammenn]En Efesa e weler anezhi e kev, pe kav, sant Paol, e murlivadurioù eus ar IVvet pe VIvet kantved int.
Bez Tecla e Maalula
[kemmañ | kemmañ ar vammenn]Ur manati reizhkredennek Santez-Tekla, Deir Mar Takla, evit ar merc'hed, zo e Maalula en Siria, savet e-kichen bez ar santez en ur c'hev. Di ez eer dre ur skalier e tor ar menez, pirc'hirinet e vez hag ur feunteun santel zo. Hervez ar vojenn e vije bet digoret ar menez da wareziñ Tekla diouzh he heskinerien.
-
Ayatekla, martyrium ar santez e Silifke (Turki) -
Iliz ar verzherinti martyrium Silifke -
Manati Mar Taqla, e Maalula -
Santual gant bez ar santez e Mar Taqla -
Manati Kykkos, e Kiprenez
E Kornôg Europa
[kemmañ | kemmañ ar vammenn]Hervez ur vojenn e vije aet Tekla war vor (evel kalz a sent all en he goude) da dec'hel rak an heskinerien.
E Galia
[kemmañ | kemmañ ar vammenn]Degouezhet e Galia, treuzet ar Cévennes ganti ha kavet ul lec'h da chom er menezioù. Marvet e vije e Saint-Bonnet-de-Chirac, en Gévaudan ha beziet e-tal ar feunteun a zo bet lakaet en hec'h anv[1].
Setu marteze perak eo ken enoret er c'hreisteiz d'ar Menezioù Kreiz gall :
- crypte Sainte-Thècle e Mende ;
- feunteun e Saint-Bonnet-de-Chirac ;
- sant paeronez Rocles ;
- hag e Chamalières en Auvergne ma voe kaset he relegoù er VIIvet kantved.
En Italia
[kemmañ | kemmañ ar vammenn]- Kev-bez Tekla e Roma
E Mezheven 2009, ouzh ur voger eus ar c'h-Catacomba di Santa Tecla e voe kavet gant hendraourien ar Vatikan ur poltred en ur murlivadur a gredont a zo koshañ skeudenn eus Paol Tars, graet er IVvet kantved [2].
E Spagn
[kemmañ | kemmañ ar vammenn]Dre fent e vez lavaret eo Santez Tekla eo paeronez ar genrouedad, abalamour ma vez lavaret tecla eus touchenn an urzhiataer.
- E Katalonia
Enoret eo Tekla e Katalonia, en iliz-veur Santez Tekla e Tarragona. Ur straed zo en hec'h anv e Sitges ivez.
- E Barcelona
-
Santez Tekla en iliz-veur Barcelona -
Aoter d'ar sent Tekla ha Sebastian.
- E Tarragona
Santa Tecla eo santez Tarragona. Deiz gouel ar Santez (Festes de Santa Tecla) eo deiz ar gouel brasañ e kêr
-
Merzherinti ha marv ar santez, talbenn roman aoter iliz-veur Tarragona, XIIIvet kantved -
Stern-aoter gant Pere Joan en iliz-veur Tarragona, gant buhez ar santez, XVvet kantved. -
Ar santez entre loened ferv, e stern-aoter Iliz-veur Tarragona -
Chapel Santa Tecla la Vella, e Tarragona
Broioù all
[kemmañ | kemmañ ar vammenn]
- E Suis ez eus ur chapel roman dezhi e Donatyre.
- E Kembre eo bet enoret e Llandegla .
- Teir farrez katolik zo en anv santez Tekla e SUA : e Clinton Township, Michigan, Pembroke, Massachusetts, ha Chicago, Illinois.
Gouel
[kemmañ | kemmañ ar vammenn]- D'ar 24 a viz Gwengolo.
Levrlennadur
[kemmañ | kemmañ ar vammenn]- Eliott, J.K., "The Apocryphal New Testament: A Collection of Apocryphal Christian Literature in an English Translation," Oxford: Oxford University Press, 1993.
- MacDonald, D.R., "The Legend and the Apostle: The Battle for Paul in Story and Canon," Philadelphia: Westminster Press, 1983.
- Kirsch, J.P., Catholic Encyclopedia: "Sts. Thecla", Volume XIV, New York: Robert Appleton Company, 1912.
- Ehrman, Bart D., "Lost Christianities: The Battles for Scripture and the Faiths We Never Knew," Oxford University Press, 2005 (ISBN 978-0-19-518249-1)
Liammoù diavaez
[kemmañ | kemmañ ar vammenn]- (fr) He buhez
- Un oberenn Jean-Daniel Dubois gouestlet da santez Tekla
- Kev Paol Tars en Efesa.
- Acts of Paul and Thecla, troet gant Jeremiah Jones (1693-1724) hep mar]
- Early Christian Writings:`Acts of Paul and Thecla (e-text) ed. M.R. James, 1924
- Nancy A. Carter, The Acts of Thecla: a Pauline tradition linked to women
- Catholic Encyclopedia: Sts. Thecla
- Delwenn e St Peter's Square
Pennadoù kar
[kemmañ | kemmañ ar vammenn]Notennoù
[kemmañ | kemmañ ar vammenn]- ↑ Buffière, Tome I, p. ?
- ↑ Guardian UK: "Pope: Scientific analysis done on St. Paul's bones", 29 June 2009 accessed 30 June 2009.