Samourai

Eus Wikipedia
Aller à la navigation Aller à la recherche
Samourai gant e hobregon, e 1860.
Tomoe Gozen – Merkit daou gleze ar samourai, unan hir hag unan berr

Samourai (侍 pe 武士) zo ur ger japanek a vez graet eus ur brezelour, eus ar seurt a zo bet e penn Japan e-pad 700 vloaz.

Orin ar ger[kemmañ | kemmañ ar vammenn]

Evit ar wech kentañ e oa deuet ar ger war wel en Xvet kantved. Eus ar ger "saburau" e teu da lavaret eo : « servijout ». Ledanaet eo bet an implij abaoe ar marevezh Edo, tro 1600. A-raok e veze anvet ar vrezelourien gant an termenoù mono no fu (betek an VIIIvet kantved, ha da c'houde bushi (武士), a dalvezont « den armet ».

An termen buke a gaver gwezhoù zo ivez : tennañ a ra da noblañs al lu bakufu, pa veze graet gant an termen kuge da envel noblañs al lez. Da vare marevezh Kamakura (11851333) e oa deuet ar vukeed war wel.

Istor[kemmañ | kemmañ ar vammenn]

Ne oant ket ofiserien enoret betek re, ne oant ket Shogun kennebeut. Ar Samouraied a zo bet kadourien enoret evit bezañ kalonek, leal hag a-wechoù dre o zonkadur skrijus. Tres an arozed engounel Japanaat a vez warno gant perzhioù mat nemetken hag a vez roet vel skouer da dizout gant an holl.

An diforc'h bras a vez etrezo hag an Arozed d'eus ar c'hornôg a vez war penaos e echu o buhez. Ar gadourien Samourai o d'eus echuet o buhez evit an darn vrashañ anezho war un emgann kollet pe un ampoent reuzus. Met dirak kement-mañ o zoare kalonek da vont e-tal o zonkadur a vez bamus evit ar bobl Japanaat. Mojenn ar re Samourai a vez dedennusoc'h dezho 'vit istor an ofisourien trec'h d'o holl enebourien.

Arabat chom sac'het gant ur skeudenn a gadourien nemetken pa vez kaoz d'eus ar re Samourai. Pa vez mare ar peoc'h, chom a reont stag d'eus un doare bevañ o vont etrezek ar peurvad, hep klask mont war hent ur vuhez hiniennel e koust an dud all. Labouret e veze ganto war ar skrivañ barzhonegoù, al livañ da skouer. Setu penaos ez int deuet da vezañ skeudenn arouezius bro Japan o klask bezañ ar bobl wellañ e touez ar re all. Bamet ez eo hiziv an deiz c'hoazh pobl Japan gant ar re Samourai. O anavezout a sikouro da gompren gwelloc'h ('vit un nebeut) tro-spered ar Japaniz. Mojenn ar 47 ronin, istor Tomoe Gozen hag ar samouraied all a vag hag a gendalc'ho da vagañ ha da aweniñ.

Maouezed ivez a oa samourai, hag ouzhpenn difenn perc'henniezh o gwaz (p'o devoa unan) a raent ; stourm en emgannoù a raent ivez, evel Tomoe Gozen (Itron Tomoe) en XIIvet kantved, Itagaki (Itron Hangaju) en XIIIvet kantved, Yamakawa Futaba (1844-1909 a-douez kalz anezho.[1][2]

Hêrezh[kemmañ | kemmañ ar vammenn]

Filmoù[kemmañ | kemmañ ar vammenn]

Bannoù treset[kemmañ | kemmañ ar vammenn]

C'hoarioù video[kemmañ | kemmañ ar vammenn]

Levrlennadur[kemmañ | kemmañ ar vammenn]

Notennoù[kemmañ | kemmañ ar vammenn]

  1. (en) Stephen Turnbull, Samurai Women 1184-1877, Osprey Publishing, 2012 (ISBN 978-1-78096-333-4)
  2. (en) Szczepanski, Kallie, A Long History of Japanese Women Warriors, ThoughtCo, 25 Eost 2020


Flag of Japan.svg 日本と日本文化のポータル — Porched Japan ha sevenadur Japan • Adkavit ar pennadoù a denn da Japan ha d'he sevenadur — 日本とその文化についてのページを見つける Flag of Japan.svg