Salome merc'h Herodiadez
Ur pennad Salome zo ivez..jpg)
Salome (Σαλώμη / Salōmē, e gregach), a-wechoù Salome II, ganet war-dro -14 ha marvet etre 62 ha 71), a oa ur briñsez yuzev eus ar Iañ kantved.
Merc'h e oa da Herodez Filipos Iañ ha da Herodiadez. Div wech e timezas.
Da gentañ d'hec'h eontr, Herodez Filipos II, a oa hantervreur d'he zad. Da eil da Aristobule de Chalcis, roue Armenia Minor.
Merc'h-kaer e oa da Herodez Antipas[1]. Dañset brav he devoa dirak lez ar roue, he leztad Herodez Antipas, ken en doa prometet ar roue reiñ dezhi pezh a gare. Evit ober plijadur d'he mamm e c'houlennas ma voe degaset penn Yann ar Badezour war ur plad. Oscar Wilde an hini a ra "dans ar seizh gouel" eus an dañs-se.
En Aviel
[kemmañ | kemmañ ar vammenn]Anavezet eo dre an Testamant Nevez, dre pennadoù eus Aviel Mark (6:17-29) hag Aviel Mazhev ( 14:3-11), met n'eo ket roet hec'h anv : n'eus meneg nemet eus « ur verc'h da Herodiadez» . Yann ar Badezour a lavar droug diwar-benn adddimeziñ he mamm Herodiadez da Herodez Antipas.
Dont a raio ar bugel dinamm da vezañ un dare temterez awawenet an arzourien ganti, adal an XIXvet kantved dreist-holl[2].
En Antiquitates
[kemmañ | kemmañ ar vammenn]Anavezet eo Salome avat dre oberenn Flavius Josephus, Antiquitates Judaicae, ma kaver hec'h anv ha munudoù a-zivout he familh el levrenn XVIII[3]. He mamm he devoa kuitaet he fried Herodez II, mab da Herodez, evit dimeziñ d'e vreur, Herodez Antipas, a oa tetrark Galilea. Flavius Josephus a skriv e oa kement-se a-enep al lezennoù broadel, rak, emezañ, « dispartiet e oa Herodiadez eus he fried hag a oa bev bepred.»
Lennegezh
[kemmañ | kemmañ ar vammenn]E galleg
[kemmañ | kemmañ ar vammenn]- Al légende dorée gant Jacques de Voragine
- Hérodias gant Gustave Flaubert
- A rebours gant Huysmans
- Les Noces d’Hérodiade gant Mallarmé
- Hérodiade gant Théodore de Banville
- Salomé, pezh-c'hoari gallek gant ar skrivagner saoz Oscar Wilde, embannet en 1893. Er pezh emañ «Dañs ar seizh gouel»
- Salomé, barzhoneg gant Guillaume Apollinaire, en dastumad Alcools, en 1913
E saozneg
[kemmañ | kemmañ ar vammenn]- Salome, barzhoneg gant Carol Ann Duffy.
Liverezh
[kemmañ | kemmañ ar vammenn]Er XVvet kantved e voe awenet meur a livour gant Salome :
- livourien alaman ha flandrezat, evel Rogier van der Weyden, Memling ha Lucas Cranach an Henañ.
- livourien italian evel Botticelli, Sebastiano del Piombo, Tizian, Caravaggio, Battistello Caracciolo, Guido Reni, le Guerchin, Carlo Dolci. Darn anezho a livas Salome meur a wech, evel Tizian ha Caravaggio.
Sonerezh
[kemmañ | kemmañ ar vammenn]- Hérodiade, c'hoarigan gant Massenet (1881)
- Salomé, pezh-c'hoari gallek gant Oscar Wilde, (1893), troet e saozneg gant Lord Alfred Douglas, 1895.
- Salome, c'hoarigan gant Richard Strauss e 1905, diwar an droidigezh alamanek (gant Hedwig Lachmann, mamm-gozh Mike Nichols) eus pezh Oscar Wilde.
- Salomé, c'hoarigan gant Antoine Mariotte (krouet en 1908)
Filmoù
[kemmañ | kemmañ ar vammenn]- Salomé, film gant Charles Bryant e 1923,
- Salomé, film gant William Dieterle e 1953,
- Salomé, film gant Carlos Saura e 2002.
- [[Visage (film, 2009)|V'Salomé, film gant J. Gordon Edwards e 1918.
Barrez
[kemmañ | kemmañ ar vammenn]- La tragédie de Salomé, barrez gant Florent Schmitt
Levrlennadur
[kemmañ | kemmañ ar vammenn]- Étude du mythe de Salomé en littérature, Éditions du CRDP de Paris.
- Claudine Gauthier, Saint Jean et Salomé. Anthropologie du banquet d’Hérode, Tours, Éditions Lume, 2008, 304 p. .
- Salomé dans les collections françaises, diskouezadeg, Saint-Denis, 1988, Tourcoing, 1988, Albi, 1988.
Pennadoù kar
[kemmañ | kemmañ ar vammenn]Notennoù
[kemmañ | kemmañ ar vammenn]- ↑ Mireille Hadas-Lebel, « Généalogie des Hérodiens », e-barzh Rome, la Judée et les Juifs, éd. Picard, 2009, p. 44.
- ↑ Camille Focant, Marc, Un évangile étonnant, éd. Peeters, 2006, p. 195.
- ↑ http://remacle.org/bloodwolf/historiens/Flajose/juda18.htm#V.
