Pentelloù

Pentelloù
Ar porzh, war lez al Liger.
Anv gallek (ofisiel)	Le Pellerin
Bro istorel	Naoned
Melestradurezh
Departamant	Liger-Atlantel
Arondisamant	Naoned
Kanton	Pentelloù (pennlec'h) betek 2015, Sant-Brewenn abaoe 2015
Kod kumun	44120
Kod post	44640
Maer Amzer gefridi	Benjamin Morival 2014-2020
Etrekumuniezh	Naoned Meurgêr
Bro velestradurel	Tolpad-kêrioù Naoned
Lec'hienn web	www.ville-lepellerin.fr
Poblañsouriezh
Poblañs	5 200 ann. (2019)
Stankter	170 ann./km²
Douaroniezh
Daveennoù lec'hiañ	47° 12′ 00″ Norzh 1° 45′ 18″ Kornôg 47° 12′ 00″ Norzh 1° 45′ 18″ Kornôg
Uhelderioù	kreiz-kêr : 23 m bihanañ 0 m — brasañ 27 m
Gorread	30,65 km²
Pentelloù

Pentelloù (Le Pellerin e galleg) a zo ur gumun a Vreizh, e Liger-Atlantel, war lez kreisteiz ar stêr Liger, e gevred ar vro. Pennlec'h Kanton Pentelloù edo betek 2015.

Ardamezioù

"e glazur, e lestr greet en aour war ur mor en arc'hant; e c'hab gwriet geotet karget gant teir kregilhenn en aour, an hini kreis war e eneb" aozer : Ao. Ferrand Kuzull ar Gumunn : 24 Meurzh 1946

Istor

• Kregin Sant-Jakez a weler war skoed Pentelloù. Gwechall e veze treuzet ar Stêr-Liger amañ gant pirc'hirined a yae da Gampostal.

Dispac'h Gall

• Krouet e voe kumun Pentelloù e 1790 diwar ar barrez katolik. Lakaet e voe da benn Kanton Pentelloù hag e Bann Pembo. E 1800 e voe lakaet en Arondisamant Pembo.

XX^vet kantved

• Brezel-bed kentañ: mervel a reas 101 gwaz ag ar gumun abalamour d'ar brezel, d.l.e. 4,36% eus he foblañs e 1911.
• 1926: lakaet e voe ar gumun en Arondisamant Sant-Nazer pa voe diskaret Arondisamant Pembo.
• 1976: lakaet e voe ar gumun en Arondisamant Naoned.

XXI^vet kantved

• Lakaet e voe ar gumun e Kanton Sant-Brewenn pa voe diskaret Kanton Pentelloù e 2014.

Brezhoneg

• Er fest Keltomania (pe Celtomania e gallek) e kemer perzh ar gumun pep bloaz. Aozet e vez abadennoù sonerezh pe ziskouezadegoù arzourien vreizhat.

Monumantoù ha traoù heverk

• Kanol ar Martinière, pe kanol al Liger-Izel
• Iliz katolik Gorroidigezh an Itron-Varia, savet e-kreiz an XIX^vet kantved
• E-kichen Pentelloù, war vord Kanol ar Martinière, e vez gwelet "Misconceivable", pe "ar vag pleget", un oberenn graet e 2007 gant Erwin Wurm, un arzour eus Aostria.
• Al levraoueg/mediaoueg George Sand, bet digoret d'an 23 a viz C'hewvrer 2008.
• Diskouezadegoù a bep seurt (livan, kizellan, h.a.) a vez aozet alies e-barz ul lec'h anvet "ar Winêgrerezh" ("la Vinaigrerie" e gallek), a oa implijet gwechall-gozh gant tud a veze fardet ar gwinegr ganto, ha goude-se gant ar besketerien keurused.
• Monumant ar re varv.

Douaroniezh

• An Acheno a gember gant al Liger e Pentelloù.

Emdroadur ar boblañs abaoe 1962

Niver a annezidi

Tud

• Joseph Fouché 1759-1820, duk Otrante, ur politikour, bet ganet en un ti er straed Aristide Bertreux.
• Adine Riom (Brobant), 1818-1899, skrivagnerez.
• Georges Judic (1899-1965), mab Francis Judic (maer er bloavezhioù 1930), ijiner hag embregour (mengleuzioù "Ville-au-Vay" ha "des Coteaux"), kuzuler jeneral kanton Pentelloù e penn bloavezhioù 1960. E anv zo bet roet d'ar poull-neuial kozh, Kae Provost.

Ar stang a zo e-barzh ar poull pri-gwenn zo anvet c'hoazh hiriv "stang Judic".

• Gaston Villainne, aotrou medisin ha maer Pentelloù e dibenn bloavezhioù 1970, hag a oa enep ar greizenn nukleel da zont.

Gevelliñ

• North-Ferriby, East Yorkshire, Breizh-Veur

Liammoù diavaez

• Lec'hienn an Ti-Kêr
• (br) Pentelloù war Geobreizh