Ondina (boudig)
Ondina zo anv ur voudig a vev er stêrioù, el lennoù, er mor, a-wechoù ur vorverc'h, pe ur c'hrouadur ijinet gant ur barzh. Niksenn a vez graet anezhi ivez er mojennoù pobl alamanek hag e re Lec'hlenn.
Lorelei ar stêr Roen eo an hini vrudetañ.
Un doare nimfenn, pe naiadenn, zo anezhi. N'eo ket er mor eta met er stêrioù pe lennoù eo e vez gwelet. N'eo ket ul lost-pesk he deus, met blev melen-aour ha kriboù aour pe olifant. D'an hañv e plij dezhi bezañ en he c'hoazez war bardell ar feunteunioù ha kribañ he blev hir gant he c'hriboù. Kouronkañ el lammoù-dour, er stankoù, er stêrioù a blij dezhi pa vez tomm. Hag ar re a vez o blev a liv gant an aour o devez teñzorioù bras a viront en o c'hastelloù dindan an dour.
Dont a ra dour ar feunteunioù eus daeroù an Ondinaed, ha mont a reont da hesk pa vez broc'het unan anezhe. Se zo kaoz e vez lezet profoù a bep seurt e-tal ar feunteunioù, evel garlantezioù a vleunioù, spilhoù pe tammoù gwer torret a zo gwir deñzorioù a lintr hag a sked en dour.
An anv[kemmañ | kemmañ ar vammenn]
Undine eo en alamaneg hag e saozneg. Ondine eo e galleg. Ur stumm gourel Ondin, zo ivez.
Lennegezh[kemmañ | kemmañ ar vammenn]
O c'havout a reer el lennegezh en oberennoù evel:
- "A Ondina do Lago", ur varzhoneg portugalek gant Teófilo Braga
- Undine, un danevell gant ar skrivagner alaman Friedrich de la Motte Fouqué
- Ondine, ur varzhoneg c'hallek diwar zorn ar barzh gall Aloysius Bertrand, a c'haller lenn amañ: http://fr.wikisource.org/wiki/Ondine.
- Ondine, pezh-c'hoari ar skivagner gall Jean Giraudoux.
- Undine, ur varzhoneg gant ar barzh iwerzhonat Seamus Heaney
- e kontadenn H. C. Andersen, ar vorganezig
- ha barzhonegoù a bep seurt gant Luis de Camões ha Pierre de Ronsard da skouer.
Sonerezh[kemmañ | kemmañ ar vammenn]
- Ondine eo anv rann gentañ ur pezh sonerezh evit ar piano skrivet gant Maurice Ravel, anvet "Gaspard de la Nuit" (1908), ha savet diwar barzhoneg Aloysius Bertrand.
- Undine zo anv ur sonatenn evit ur fleüt hag ur piano gant Carl Reinecke.
- Undine, c'hoarigan gant E.T.A. Hoffmann, diwar ur skrid gant La Motte-Fouqué
- Vodnik, op. 107 B195, gant Antonín Dvořák
- Rusalka, op. 114 B203, ur c'hoarigan gant Antonín Dvořák
Pennadoù kar[kemmañ | kemmañ ar vammenn]
- Rusalka, Ondina ar mojennoù slav, a gaver hec'h anv e titl unan eus oberennoù Antonín Dvořák.
- Vodník, un Ondina gourel slav, a gaver e anv e titl unan eus oberennoù Antonín Dvořák.
Levrioù[kemmañ | kemmañ ar vammenn]
- Édouard Brasey, Sirènes et Ondines, Éditions Pygmalion, Paris, 1999.