Boudig

Ur voudig zo ur boud mojennel denheñvel, bihan pe bihanoc'h, benel pe c'hourel, gant galloudoù hud ha liammet ouzh nerzhioù an natur hag ar bed kenstur. Mard eo benel eo kaer-tre ha galloudoù dreistnaturel he deus evel reiñ donezonoù d'ar vugale nevez-c'hanet, nijal, teurel barr d'unan bennak ha kaout krog war an dazont. Boudiged a gaver e folklorioù pagan kalz sevenadurioù europat (keltiek, germanek, slavek), e stummoù liesseurt : aeled diskaret, teuzigoù, lutuned, korred, elfed hag all.

Boudiged er mojennoù hag el lennegezh

Anavezet mat e oant e lennegezh ar Grennamzer en Europa ar C'hornôg, met aet kuit e hini an Azginivelezh. Dont a rejont en-dro er c'hontadennoù hag e oberennoù Shakespeare, hag en XIX^vet kantved gant ar romantelezh. Bremañ int tudennoù a gaver ingal el lennegezh fantasy ha moliac'h. Dedennañ a reont ar glaskerien, ar skeudennaouerien hag ar gonterien.


Marevezh	Boudiged brudet	Doare oberenn
Henamzer	an nimfezed	gwengelouriezh
Krennamzer	Morgana	mojenn Arzhur
Krennamzer	Viviana	mojenn Arzhur
Krennamzer	Melusina	kontadenn bobl
Krennamzer	maeron Luduennig	kontadenn bobl
Krennamzer	maeron Kroc'hen Azen	kontadenn bobl
1594/1595	Oberon, roue ar voudiged, ha Puck	"Hunvre un nozvezh hañv" (A Midsummer Night's Dream), pezh-c'hoari gant William Shakespeare
1850	boudig an aod	"Boudig an Aod"^[1] (La fée des Grèves), romant gant Paol Feval
1881	ar voudig c'hlas	"Troioù-kaer Pinocchio – Istor ur vargodenn" (Le avventure di Pinocchio. Storia di un burattino), romant gant Carlo Collodi
1902, 1904	Tinker Bell, mignon Peter Pan .	"Al labousig gwenn" (The little white bird), romant, ha "Peter ha Wendy" (Peter and Wendy), pezh-c'hoari, an daou gant J. M. Barrie

Lec'hioù

Maen ar Boudiged, liac'hven en Ezieg
Liac'hven Ty-ar-Boudiged e Brenniliz

Gwelout ivez

sorser

↑ Troet e brezhoneg gant E. ar Barzhig ha Per Denez, Emb. Skol, ademb. Hor Yezh, 1987.

[1] Troet e brezhoneg gant E. ar Barzhig ha Per Denez, Emb. Skol, ademb. Hor Yezh, 1987.

[1]