Nolwenn Korbell

Nolwenn Korbell
Nolwenn Korbell en Ty théâtre e Gouenac'h
Ganet	3 a viz C'hwevrer 1968 Kemper - Breizh
Micher(ioù)	Kaner-sonaozer, barzhez, aktourez, eilmouezhierez
Doare(où)	Sonerezh Breizh
Doare mouezh	soprano
Benveg(où)	Gitar
Bloavezhioù oberiant	Abaoe 1984
Label(ioù)	Coop Breizh
Lec'hienn ofisiel	http://www.myspace.com/nolwennkorbell
Endro	Soïg Sibéril, Didier Dreo

Nolwenn Korbell, Nolwenn Corbel er marilhoù-kêr, bet ganet e Kemper d'an 3 a viz C'hwevrer 1968, a zo ur ganourez eus Breizh, ur varzhez-saverez kanaouennoù hag un aktourez vrezhonegerez stummet e Kembre, un arzourez klok dre he liesvarregezh. C’hoariet he doe e-barzh kentañ film hir brezhonek. Kan a ra e brezhoneg, galleg, saozneg, kembraeg, alamaneg, ha, pa voe tro, e rusianeg pe [[[serbeg]] hag ukraineg. Eilmouezhiet he deus meur a film adalek ar saozneg hag ar galleg. Tapet he deus meur a briz evit he obererezhioù.

Buhez

En he familh, e Douarnenez ha Poullan, ne veze komzet nemet brezhoneg ha kan ha sonerezh a voe e meur a zegouezh. Desket he deus bet ar galleg er skol. Heuliañ a rae he mamm Andrea ar Gouilh, ha hi ur ganourez vrezhonek vrudet,, e troiadoù sonadegoù dre ar broioù keltiek. Tro klevout tud eus Bro-Gembre, Iwerzhon ha Bro-Skos o kanañ en o yezh he doa bet alies. He zad, Herve Korbell a zo soner bagadoù hag emsaver ez-foran.
Kentelioù c'hoariva he doe heuliet e MJC Douarnenez. 1- vloaz e oa-hi pa c'hoarias e sketchoù e-pad " La Nuit des Raouls ", un adsevel fentus eus Nozvezhioù ar Cesar. Remerket e voe gant Youenn Gwernig, rener an abadennoù brezhoneg war Frañs 3 Kornôg.
Aet da Roazhon evit ober studioù war ar yezhoù (alamaneg, brezhoneg ha kembraeg) e troas muioc’h-mui war-zu ar c’hoariva hag ar c’han e Skol an Arz dramael Roazhon. Goude-se e vevas etre Breizh ha Kembre er bloavezhioù 1991-1999. Du-hont e c’hoarias pezhioù-c’hoari hag e kanas asamblez gant ar strollad sonerezh folk-rock "Bob Delyn a’r Ebillion ».
E 1997 e kemeras perzh gant abadenn bennañ Kan ar Bobl.
Kroget he doe gant ar c’hoari (filmoù ha c’hoariva brezhonek) a-raok mont war-zu ar c’han ouzhpenn. Sevel a ra ivez he c'hanaouennoù liesseurt o awen. Un aktourez (sinema, c'hoariva ha skinwel), kinnigourez er skinwel, ha kanourez ivez er strollad kembraek Bob Delyn a'r Ebillion, asammblez gant Twm Morys, he c’henseurt ha tad he mab.

Aktourez

C’hoari a ra e brezhoneg, galleg pe saozneg ha meur a wezh e kan e kreiz an abadenn.

Eilmouezhierez

Galvet e oa bet gant Youenn Gwernig ha Frañs 3 Kornôg e 1984 evit eimouezhiañ ur fiñvtresadenn yaouankiz kembraek, ha hi yaouank c’hoaz. Labouret he deus kalz gant Dizale evit eilmoezhia~~e brezhoneg degadoù a film evit Frañs 3 Kornôg.

Pladennoù

Nolwenn Korbell ha Soïg Sibéril er Celtic Connections 2007.

N'eo ket echu (2003, Coop Breizh)

1. Ur wech e vo
2. Padal
3. Ma c'hemenerez
4. Glav
5. Y byd newydd
6. Son ar plac'h n'he doa netra
7. Luskell ma mab
8. A-dreuz kleuz ha moger
9. Deuit ganin-me
10. Sant ma fardon

Bemdez c'houloù (2006)

1. Bemdez c'houloù
2. Termaji
3. Dal
4. Valsenn Trefrin
5. News from town for my love who stayed home
6. Yannig ha Mai
7. Pardon an Dreinded
8. Dafydd y garreg wen
9. Un petit navire d'Espagne
10. Olole

Red (2007, Coop Breizh)

Asambles gant ar gitarour Soig Sibéril

1. Bugale Breizh
2. Valsenn trefrin
3. Billy
4. Sant ma fardon
5. Gourin
6. Padal
7. Anna
8. Bemdez choulou
9. Daoulamm ruz
10. Kanaouenn Katell
11. Turn turn turn
12. Yannig ha mai
13. Glav
14. News from town for my love who stayed home

Noazh (2010, Coop Breizh)

1. Blues Ar Penn Sardin
2. Hir
3. Mad Love
4. Aet Oan
5. An Dud
6. Don't Try
7. Anna
8. Je Voudrais
9. Kuit
10. One More Day
11. Misjac Na Nebi

Skeud ho roudoù (2015, Coop Breizh)

1. Avel viz
2. Awen
3. N’on ket
4. Darling ar poull
5. Me no like
6. Sparlet
7. Amour Kerne
8. If
9. Piv
10. Laret vez
11. Simple
12. An den
13. Traoù gwir’'

Levrlennadur

• Atersadenn gant Claire Louet France 3, 7 Mae 2021
• Jean-Marie Goater, Gaëlle Pairel, Geneviève Roy, Claude Thomas, Femmes de lettres en Bretagne, Roazhon, Embannadurioù Goater, 2021. (ISBN 9791097465025). Pennad Nolwenn Korbell

Liammoù diavaez

• Lec'hienn Myspace Nolwenn Korbell

Enorioù

• Kolier an Erminig 2016