Mathurine Fourchon
Ganet e oa bet Mathurine Fourchon e 1786 e Gwalc'hion e departamant an Aodoù-an-Arvor, e Breizh. Ur soudardez c'hall eo. Ar seizhvet maouez eo da vezañ kinklet gant al Lejion a Enor[1].
Buhez
[kemmañ | kemmañ ar vammenn]Mathurine Fourchon a ziskouezas emzalc'hioù harozek e-pad seziz Kustentin, en Aljeria, e miz Here 1837. Eno e pareas ar re gloazet. Gloazet e voe gant peder volotenn [2].
E 1853, dindan ren Napoleon III, e voe kinklet Mathurine Fourchon gant Urzh Impalaerel al Lejion a Enor evel gopr evit he c'henlabour. Koulskoude, he kinkladur a ro lañs da zisputoù.
Goude he micher milourel en em stalias Mathurine Fourchon e Sant-Maloù a-raok mont war e leve da Naoned. Mervel a reas eno d'an 9 a viz Ebrel 1863, en dienez. Gant kêr Naoned e vez paeet frejoù an obidoù.
Beziet eo e Cimetière La Bouteillerie e Naoned.
Daveoù ha notennoù
[kemmañ | kemmañ ar vammenn]- ↑ Commémoration au cimetière de la Bouteillerie à Nantes - Mathurine Fourchon [1]
- ↑ Cimetière de la Bouteillerie à Nantes – Mathurine Fourchon[2]
