Job Seite

Eus Wikipedia

Job Seite pe Jozef Seite, bet ganet d'an 18 a viz Eost 1919 e Kleder (Penn-ar-Bed, Breizh) hag aet da Anaon d'ar 25 a viz Mae 1985, a oa ur beleg breizhat hag ur c’helenner. Breur Visant Seite e oa.

Buhez[kemmañ | kemmañ ar vammenn]

Beleget e voe d'an 18 a viz Mezheven 1944 e Lesneven. Goude-se e voe anvet da gelenner matematik e Skol-an-Aod, e Gwiseni. Eno e savas ur bagad sonerien. Iz-rener ar skol e voe e 1961.

Bet diskibl da Yann-Vari Perrot, sevel a reas kantikoù brezhonek (evel « Sell ouz an heol o sevel », « Aotrou Doue, euz an neñvou », pe «« Meulom a greiz kalon »). Skoazell a roas ivez da lazioù-kanañ er parrezioù e-pad ar bloavezhioù 1950 ha 1960. Bet e voe ivez animatour abadennoù skingomz e brezhoneg er bloavezhioù 1960 ha 1970.

Aluzenner ar Bleun-Brug Bro-Leon[kemmañ | kemmañ ar vammenn]

E penn-kentañ bloazioù 1950 e voe anvet Job Seite da aluzenner Bleun-Brug Bro-Leon. Labourat a reas dreist-holl evit Gouelioù ar Bleun-Brug, ha devezhioù-studi ar Bleun-Brug e-pad an hañv[1].

Sekretour Kenvreuriez ar Brezoneg[kemmañ | kemmañ ar vammenn]

Labourat a reas Job Seite da sikour an Aotrou 'n Eskob Visant Fave, eskob skoazeller Kemper ha Leon, ha rener « Kenvreuriez ar Brezoneg », evit troidigezh hag embannadur brezhonek al Levr-oferenn goude sened-meur Vatikan II. Job Seite e voe ar sekretour karget da sevel roll an troidigezhioù ha d'o embann e kaieroù bras, anvet «Kaierou Kenvreuriez ar Brezoneg », a veze embannet bep tri miz e Gwiseni. Rener ar c'haierou e voe ivez eus 1971 da 1979 (nn. 15 da 50), goude marv Pêr-Yann Nedelec e 1971.

Oberennoù[kemmañ | kemmañ ar vammenn]

Levrlennadur[kemmañ | kemmañ ar vammenn]

  • Quimper et Léon, niv. 12, 22 juin 1985, p. 275-276.
  • Bleun-Brug, niv. 239-240, 1985, p. 18-20.

Notennoù[kemmañ | kemmañ ar vammenn]

  1. Bet e voe ivez eil-sekretour-meur ar Bleun-Brug e 1966, e-pad kleñved e vreur Visant. Cf Bleun-Brug niv. 162, 1966, p. 16.


Gwelet ivez[kemmañ | kemmañ ar vammenn]