Gwenvenez-Penfaou

Gwenvenez-Penfaou
Iliz katolik Sant Mikael e bourk Gwenvenez.
Bro istorel	Bro-Naoned - Bro Redon
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Gwenvenez-Penfaou (pennlec'h)
Kod kumun	44067
Kod post	44290
Maer Amzer gefridi	Yannick Bigaud 2014-2020
Etrekumuniezh	Redon tolpad-kêrioù
Bro velestradurel	Bro Redon hag ar Gwilen
Lec'hienn web	www.mairie-guemene-penfao.fr
Poblañsouriezh
Poblañs	5 233 ann. (2019)
Stankter	50 ann./km²
Douaroniezh
Daveennoù lec'hiañ	47° 37′ 51″ Norzh 1° 49′ 53″ Kornôg 47° 37′ 51″ Norzh 1° 49′ 53″ Kornôg
Uhelderioù	kreiz-kêr : 42 m bihanañ 2 m — brasañ 83 m
Gorread	105,51 km²
Gwenvenez-Penfaou

Gwenvenez-Penfaou a zo ur gumun eus Breizh e Liger-Atlantel, e reter ar vro. Ghemenë e gallaoueg.

Istor

Dispac'h Gall

• Krouet e voe kumun Gwenvenez-Penfaou e 1790 diwar ar barrez katolik. Lakaet e voe da benn Kanton Gwenvenez-Penfaou hag e Bann Blaen. E 1800 e voe lakaet en Arondisamant Savenneg.

XX^vet kantved

Brezel-bed kentañ

• Mervel a reas 196 gwaz ag ar gumun abalamour d'ar brezel, d.l.e. 3,01% eus he foblañs e 1911.

Douaroniezh

• Emañ Gwenvenez-Penfaou e hanternoz koed ar C'havr. Div vourc'h arall a zo er barrez : Gwenouvry ha Besle.
• Warlez an Don emañ ar gumun.

Gerdarzh

Gwenvenez-Penfaou a zo aozet gant gerioù brezhonek : Gwenn+menez Nend eo ket souezhus rak mein al Lizien a zo gwenn. Meneget eo evit ar wezh kentañ e 853 e-barzh diellevr Redon : Winmonid. Penn+faou (ar ger-se a c'hell bout ur ger Galian ivez avat). Memestra evit Gwenouvry : Gwenn+Gouvry (un anv den an hini eo) (Uuobri=grevus).

Yezhoù

Emañ Gwenvenez-Penfaou e bro C'hallo, komzet e vez gallaoueg eta. Brezhoneg a zo bet komzet gwezharall avat. Muioc'h ag 20% ag an anvioù lec'h a zo brezhonek, pezh a zo kalzig evit ur barrez ken pell e Reter Breizh. Un tamm bennak gerioù brezhonek a bes evel kik (kig fall), oualë (gouelañ evit ur babig), h.a.

Breuriezhioù

Er barrez-mañ evel evit reoù arall Gwalarn Bro an Naoned e vez kavet breuriezhioù. Setu neuze ur vreuriezh bennak a Wenvenez-Penfaou: Korbalon : Sant Miliaw Kallag: Sant Melar Sarran: Sant Cloud Koednerion: Sant Haude Castres : Saint Jean Juzet: Sant Marc Gwenvenez: Sant Mikael Besle: Sant Guillaume Dastres: Sant Daniel Penfao: Sant Jorj Lezsant: Santez Anna Pusag: Sant Julian ha Sant Erwan Beix: Sant Eflamm (e galleg)

Monumantoù ha traoù heverk

• 

  Chapel Sant Jord.

• Maner "Grand Logis" (XV^vet kantved),
• Kastell ar Brug (XV^vet kantved),
• Kastell Juzet,
• Kastell Trenon,
• Kastell "Bois Fleury",
• Kastell Tregel (XVIII^vet kantved),
• Kastell Frigel,
• Chapel Santez Anna e Lezsant,
• Chapel Sant Jord,
• Chapel Sant Mark,
• Chapel Sant Erwan,
• Poull-Kannañ,
• Peulvanoù e Tregilli,
• Maen "la fée Carabosse",
• Ilizoù katolik: Sant Mikael e bourk Gwenvenez, Sant Pêr ha Sant Paol e Bellae, Sant Clarus e Gwennouvri.
• Monumant ar re varv.

Melestradurezh

Roll ar maeroù
Mare		Anv	Strollad	Karg
1995	2014	Yannick Bigaud	DVD	Kuzulier-Meur
N'eo ket anavezet c'hoazh an holl fedoù.

Emdroadur ar boblañs abaoe 1962

Niver a annezidi

Gevellerezh

• Courcelles (Belgia), abaoe 1958.

Liammoù diavaez

• Lec'hienn ofisiel Ti-kêr
• Lec'hienn nag ofisiel
• Gwenvenez-Penfaou war Geobreizh