Ramzed Hellaz

Dionysos oc'h emgannañ gant ur Ramz e-kerzh Brezel ar Ramzed, pelike atikat gant dremmoù ruz, war-dro 460 kent JK, Mirdi al Louvre (Pariz).

Ramzed Hellaz a vez graet eus ar ramzed o devoa klasket sevel a-enep doueed ar Menez Olimp e gwengelouriezh Hellaz.

Daou rumm a oa anezho, ha ret diwall d'o c'hemmeskañ.

• re ar remzi kentañ, mibion da C'haia,
• ar re deuet diwezhatoc'h.

O anv

O anv e gregach gigantès (Γίγαντες) pe gegeneis a dalv « ganet eus an Douar ».

Ar remziad kentañ

Ramzed an amzerioù koshañ a oa bugale da Ouranos (an Oabl) ha da c'h-Gaia (an Douar). Ganet e oant, gant o breudeur ha c'hoarezed all, an Erinied ha Meliadezed, pa voe troc'het kalc'h Ouranos ha pa gouezhas e wad war Gaia (an Douar).

Hervez un doare all e vijent bet krouet gant Gaia hec'h-unan, evit kaout an digoll war-lerc'h an dichekadenn graet d'he mibion e-kerzh Brezel an Ditaned.

Hervez un trede doare e oant mibien da d-Tartaros.

Gouez da Hesiodos e oant ganet e Flegra, pe e Pallene. Divalav e oa o dremm, ha kant brec'h a oa da bep hini, hag ul lost naer e penn pep gar.

Ouzhpenn-se n'hallent bezañ lazhet gant doue ebet.

Delwenn ur Ramz e kastell Versailhez.

Setu anvioù un toullad anezho :

• Agasthenes ;
• Agrios ;
• Alkyoneüs ;
• Alpos ;
• Aristaeüs ;
• Astraios ;
• C'hthonios ;
• Damysos ;
• Emfytos ;
• Enkelados ;
• Efialtes ;
• Euboios ;
• Euforbos ;
• Euryalos ;
• Eurymedon ;
• Eurytos ;
• Gration ;
• Hippolytos ;
• Hopladamos ;
• Hyperbios ;
• Iapetos ;
• Klytios ;
• Koios ;
• Mimas ;
• Olympos ;
• Otos ;
• Oranion ;
• Pallas ;
• Pankrates ;
• Peloros ;
• Polybotes ;
• Porfyrion ;
• Roikos ;
• Theodamas ;
• Theomises ;
• Thoas ;

N'eus ket nemeur a gaoz anezho er mojennoù nemet e mojenn ar stourm ouzh ar Ramzed, ma reont brezel ouzh an doueed.

Giganted all

Setu darn :

• An Aloaded (Otos hag Efialtes) ;
• Agrios hag Oreios ;
• Antaios
• Argos Panoptes ;
• C'hrysaor ;
• Damasen ;
• Geryon ;
• Kakos ;
• Kyknos
• Orion ;
• Talos ;
• Tityos ;