Dionysos

Eus Wikipedia
Mont da : merdeiñ, klask

Dionysos (Διώνυσος pe Διόνυσος e gregach) a oa unan eus doueed Hellaz kozh, mab da Zeus ha Semele. Doue ar gwin e oa. Ne oa ket o chom war menez Olympos gant an doueed all avat, atav e veze o kantren, pe o vambochat.

Bacchus e oa anvet gant ar Romaned.

Ar mojennoù[kemmañ | kemmañ ar vammenn]

Bugaleaj[kemmañ | kemmañ ar vammenn]

Marvet e oa Semele, serc'h Zeus, ha hi dougerez. Evit saveteiñ ar bugel e oa bet tennet eus he c'hof gant Zeus ha lakaet gantañ en e vorzhed da c'hortoz an nav miz dleet a-raok bezañ ganet. Pa voe ganet e voe roet d'ar roue Athamas ha d'e wreg Ino da ziwall. Met dont a reas Hera, gwreg Zeus da c'houzout kement-se, ha ret e voe d'ar bugel te'hel. Redek bro a reas neuze.

Delwenn Dionysos, savet da 100vet deiz-ha-bloaz ar bier Qingdao, e Qingdao, Shandong, Sina.

Gwragez ha bugale[kemmañ | kemmañ ar vammenn]

Pa oa Theseüs o tistreiñ eus Kreta gant Ariadne, lazhet gantañ ar Minotaoros, en em gavas gant Dionysos en un enezenn. Lezel a reas e wreg gant an doue ha mont kuit da Aten en-dro. Ha Dionysos da gas e wreg d'an Olympos, ha da genderc'hel gant e vuhez bambocher.

Digant Althaia, rouanez Kalydon, en doe ur mab, Meleagros, a voe advabet gant pried Althaia, Oineüs. Digant Afrodite en doe ur mab, Priapos.

Liammoù diavaez[kemmañ | kemmañ ar vammenn]


Commons
Muioc'h a skeudennoù diwar-benn

a vo kavet e Kerandafar.