Gast
|
Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. |
| Ma'z oc'h degouezhet er bajenn-mañ dre ul liamm diabarzh e c'hallit kemmañ al liamm er pennad-se evit ma kaso war-eeun d'ar bajenn a glaskec'h tizhout. |
Gast a zo ur ger hag a gaver e meur a yezh.
Brezhoneg[kemmañ | kemmañ ar vammenn]
Kar eo an anv brezhonek-se d'ar ger kembraek gast, a dalveze kiez e brezhoneg gwechall, evel e kembraeg hiziv.
Er C'hatolicon emañ ar ger :
Gast, g. putain, l. puida. Item ganea. Item cest lecherie ; uide in gruec foll[1].
Dianav eo gerdarzh gast hervez Albert Deshayes[2] met hervez Yves Le Berre e teu eus ar galleg gaste evel testeni eus levezon an ideologiezh war ar skiant[3].
Eus gaste ivez e teu ar ger brezhonek heñvelster gwastañ, hag e zeveradennoù, koulz hag ar gerioù gallek gâter, gâteux, dégàt, ravager.
Deuet eo ar ger gast da vezañ implijet e genoù ar wazed evit ur rumm maouezi e-lec'h loened, ma'z eo bet savet ar ger kiez da ober kemm etre tud ha loened. Evel kunujenn, sakreadenn pe estlammadell e vez implijet gast bremañ na mui na maez.
Galleg[kemmañ | kemmañ ar vammenn]
Un anv-lec'h gallek eo gast ivez e Breizh-Uhel hag e Normandi, deuet eus ar galleg kozh gaste diwar ar ger latin vastus, a veze graet eus ul lec'h gwastet, douar fall, mat da vagañ deñved pe givri
Kar dezhañ e vefe an anvioù-lec'h Gâtinais, kontelezh kozh, Gâtinois, ha Gâtine ; kenorin e vefe ar ger flandrezek wastina, a dalvez kement ha maez distruj.
Breizh-Uhel[kemmañ | kemmañ ar vammenn]
- Montreuil-le-Gast, pe Mousterel-ar-Gwast, e Bro-Roazhon
- Le Gast, karter e Maurepas, e Roazhon.
Normandi[kemmañ | kemmañ ar vammenn]
E Normandi e kaver ivez ar stumm Vast : Le Vast, Hardinvast, Tollevast, Martinvast, Sottevast.
Mayenne[kemmañ | kemmañ ar vammenn]
Anvioù-tud[kemmañ | kemmañ ar vammenn]
Yezhoù all[kemmañ | kemmañ ar vammenn]
- Gast, e nederlandeg hag an alamaneg, kar d'ar ger saoznek guest.
- Gast, e svedeg hag e hensaozneg, kar d'ar ger saoznek ghost.
Pennadoù kar[kemmañ | kemmañ ar vammenn]
Notennoù[kemmañ | kemmañ ar vammenn]
- ↑ Catholicon. Kavet : 15 DU 19.
- ↑ Deshayes, Albert: Dictionnaire étymologique du breton, Le Chasse-Marée, 2003 (ISBN 978-2-914208-25-3)
- ↑ Le Berre, Yves : Anthologie des expressions de Basse-Bretagne, Éditions Armeline,2006 (ISBN 978-2-910878-06-1)