Hestia

Vesta Giustiniani, mirdi Torlonia (Roma)

Hestia (Ἑστία / Hestía e henc'hresianeg) eo doueez an tan sakr hag an oaled. Merc'h henañ Kronos ha Rea eo-hi, c'hoar eo da Zeus, Poseidon, Hades, Hera ha Demeter. Emañ eus ar memes remziad hag ar re a anver daouzek doue an Olimp, a dra sur, met ne vez ket kontet atav e-touez daouzek doue an Dodekatheon.

Vesta e oa hec'h anv hervez ar Romaned.

Pa bignas Zeus, he breur, war gador roue an doueed, e resevas, evel Artemis pe Atena, ar galloud da viret he gwerc'hted da viken, a-benn achapp diouzh karantez Apollon ha Poseidon.

N'eus hogos mojenn ebet a gement a ve stag ouzh an doueez-se. Ne gemer perzh ebet e tabut ebet, ar pezh a ra anezhi un esparadenn e-touez Olimpiz. Mirout a ra Zeus druzoni an aberzhioù dezhi.

Kehelerezh

Personneladur an oaled eo Hestia, ar flammenn sakr a zev dibaouez en tier hag en temploù, hag a c'hlanna anezhe. Azeulet eo evel gwarezerez ar familhoù, ar c'heodedoù hag an trevadennoù.

Pa felle d'ar C'hresianed diazezañ un drevadenn e kasent gante tan Hestia, kemeret e templ ar vetropolenn a-benn enaouiñ oaled o c'heoded nevez. Evel se e arouez Hestia ivez hollbadusted ar sevenadurezh hag ar relijion.

Kement pred a groge hag a echue gant ur prof da Hestia.

Lec'hioù kehelerezh pennañ ha santualoù

1. Aten, kêrbenn an Attika (kreisteiz Henc'hres) ;
2. Oropos, kêr eus an Attika ;
3. Hermione, keoded eus Argolide (kreisteiz Henc'hres);
4. Sparta, kêrbenn al Lakonia (kreisteiz Henc'hres) ;
5. Olimpia, santual Elis (Élide, kreisteiz Henc'hres) ;
6. Larisa, kêrbenn al Lapited (Tesalia, hanternoz Henc'hres) ;
7. Enez Tenedos, (Mor Aegeos).

Ikonografiezh

Peurliesañ e veze diskouezet en he sav gant Hellaziz, gwisket en un doare eeun, ganti ur ouel war he fenn.

An tan eo hec'h arouez.

Mammennoù

• Apollodoros, Biblioteka (I, 4-7): http://ugo.bratelli.free.fr/Apollodore/DetailsLivres.htm An oberenn enlinenn e galleg.
• Aristofanes, Les Guêpes (v. 846).
• Bakilides (fr. 14B [édition ?]).
• Cicero, De natura deorum (II, 27). Skrid enlinenn
• Diodoros Sikilia Levraoueg istorel (I, 4 ; V, 68, 1 ; V, 70, 1). Skrid enlinenn
• Hesiodos, Teogonia (war-dro 453-454). Skrid enlinenn
• Caius Julius Hyginus, Fabulae (rakger). Skrid enlinenn
• Meulganoù homerek (V da Afrodite, v. 18 ; XVIII et XXIV da Hestia). Skrid enlinenn
• Meulganoù orfek (LXXXIV da Hestia). Skrid enlinenn
• Ovidius Fastorum (VI, 285 ; VI, 319). Skrid enlinenn
• Paosanias Periêgêsis Hellados (I, 18, 3 ; I, 34, 3 ; II, 35, 1 ; III, 11, 11 ; Y, 11,8 ; V, 14, 4 ; V, 26, 2-3). Skrid enlinenn
• Pindaros (Néméennes, XI, 1-2). Skrid enlinenn
• Platon Fedra (v. 246). Skrid enlinenn