Bro-Raez

Pelec'h emañ Bro-Raez e Breizh

Bro-Raez a zo ur vroig istorel e gevred Breizh, er c'hreisteiz d'al Liger.

Emañ Bro-Raez etre aber al Liger ha Geunioù Breizh, etre Bae Bourc'hnevez hag al Lenn Veur.

Kumunioù Bro-Raez

Kanton Bourc'hnevez-Raez

• Bourc'hnevez-Raez
• Kerverner-Raez
• Keverieg
• Sant-Eler-Kaleon
• Mousteroù-Raez
• Onnod-Raez

Kanton Machikoul

• Machikoul, penn ar c'hanton, kêr-benn gozh ar c'horn-bro.
• Maeron
• Palud
• Sant-Stefan-Melveurzh
• Sant-Marzh-ar-C'hoad
• Sant-Masen-ar-Porzh

Kanton Pembo

• Pembo , penn ar c'hanton
• Korzed
• Sant-Brewenn

Kanton Pentelloù

• Pentelloù, penn ar c'hanton
• Keiz-Raez
• Ar Menez
• Porzh-Pêr
• Rodent
• Sant-Yann-ar-Granneg
• Santez-Pezhenn
• Gwagenez

Kanton Pornizh

• Pornizh, penn ar c'hanton
• Arzhon-Raez
• Plaen-Raez
• Pradvael
• Sant-Mikael-Keveger

Kanton Sant-Filberzh-Deaz

• Sant-Filberzh-Deaz, penn ar c'hanton
• Kerc'hevrel
• Kerlouevig
• Sant-Koulman
• Sant-Leven-ar-C'hoad

Istor

Banneil Bro-Raez

En IX^vet kantved e voe aloubet ar c'horn-bro gant armeoù ar Vretoned, renet gant Nevenoe hag e vab Erispoe, a voe trec'h war ar Franked etre 843 ha 851. Da-heul Feur-emglev Angers (851), skoulmet etre Karl Voal hag Erispoe e voe roet bro Raez, pe "Ratense", d'ar Vretoned.

Ar baron Jili Raez, a damaller dezhañ bezañ muntret ha gwallet e-leizh a vugale vihan, a oa un denjentil eus Bro-Raez.

E-pad Brezel Vande, da vare an Dispac'h Gall, e oa ar c'horn-bro unan eus lec'hioù kreñv ar roueelourien.