Llanilltud Fawr

Kreiz Llanilltud Fawr

Tornaod, e bae Tresillian, e Llanilltud Fawr

Llanilltud a zo ur gêr vihan e kreisteiz Kembre, e Morgannwg, war aod Mor Hafren. Saoznekaet eo bet an anv e Lantwit Major.

Orin hag istor

Dont a ra an anv eus ar manac'h Illtud, aet da Ildud e brezhoneg, a voe savet ur manati gantañ eno, war-dro ar VI^vet kantved. Ennañ e voe desket tud veur an Iliz katolik, tud deuet da vezañ, darn anezhe, sent veur Breizh, ha dreist-holl renerien an divroadeg etrezek Arvorig.

Desket e voe eno ar Vrezhoned-mañ:

• Sant Padrig a zeuy da vout sant meur Iwerzhon,
• menec'h a yeas da Gerne-Veur evel
  • Sant Pedrog (a voe savet gantañ Padstow e Kernev-Veur),
  • Sant Nektan,
  • Santez Morwenna (a voe savet ganti Morwenstow e Kernev-Veur),
  • Sant Piran a zo sant paeron Kernev-Veur;
• ar re a zivroas da Arvorig Paol Aorelian, Samzun, Gweltaz, Tudwal (pe "Tugdual");
• Dewi, pe Dewidd, sant paeron Kembre;
• ar roue Maelgwn Gwynedd.

Darn a zo aet betek ober eus ar manati-se "koshañ skol-veur ar bed".

Pa zegouezhas menec'h alese da Arvorig e voe roet gante anv o manati d'al lec'h ma oant degouezhet (gwelout Lannildud). Koulskoude ne greder ket e oa Illtud en o zouez.

Da welout eno

Diskouezet e vez d'ar weladennerien:

• an iliz eus an XII^vet kantved gouestlet da Sant Illtud, savet el lec'h m'edo ar manati kozh;
• an ti-kêr eus ar XV^vet kantved,
• kastell Sant Donat (kembraeg: castell Sain Dunwyd) a chom tammoù anezhañ eus an XII^vet kantved, a zo hiriv ur skol etrevroadel anvet, Atlantic College.

Gevellet eo kêr gant ar Poulgwenn.

Skeudennoù

<gallery mode=packed> Llantwit Major Beach Bristol Channel.jpg|Mor Havren gwelet eus Llanilltud Fawr Llantwit Major School south Wales.jpg|Skolaj Llanilltud Fawr Llantwit Major railway station in 2008.jpg|Porzh-houarn Llanilltud Fawr <gallery>

Liammoù diavaez

Kêrioù Bro Morgannwg

Aberogwr • Aberddawan • Aberthin • Y Barri • Y Bont-faen • City • Corntwn • Dinas Powys • Eglwys Fair y Mynydd • Ewenni • Ffont-y-gari • Gwenfô • Larnog • Llanbedr-y-fro • Llancarfan • Llancatal • Llandochau • Llandochau Fach • Llandŵ • Llanddunwyd • Llan-faes • Llanfair • Llanfihangel-y-pwll • Llanfleiddan •

Llangan • Llansanwyr • Llanilltud Fawr • Llwyneliddon • Llyswyrny • Marcroes • Ogwr • Penarth • Pendeulwyn • Pen-llin • Pennon • Pen-marc •

Y Rhws • Sain Dunwyd • Saint Andras • Sain Nicolas • Saint-y-brid • Senghennydd • Y Sili • Silstwn • Southerndown • Trebefered • Trefflemin • Tregatwg • Tregolwyn • Tresimwn • Y Wig • Ystradowen