André Markowicz

André Markowicz zo un troour a vicher diwar ar ruseg (pe ar rouseg, evel a weler skrivet gantañ), bet ganet e 1960 e Praha.

Troet en deus oberennoù Tchec'hov ha Dostoyevskiy e galleg, ha kenlabouret en deus gant Alan Botrel, Gwendal Denez, Koulizh Kedez ha Yann Varc'h Thorel da dreiñ un nebeud oberennoù rusek e brezhoneg, embannet holl e peurunvan. Gerioù nevez, deuet eus Preder pe fardet gant Kedez, a gaver ivez er skridoù.

Dimezet eo gant Françoise Morvan, a zo enebet ouzh ar brezhoneg (ur yezh n'eus ket anezhi, emezi) hag ouzh ar peurunvan implijet gant he fried, hag ouzh ar gerioù amprestet digant ar c'hembraeg, pa ne gomz na ne skriv kement-se nemet e galleg.

Troidigezhioù e brezhoneg

Kavout a reer e anv e talbenn un toullad levrioù troet diwar ar ruseg e brezhoneg.

• Gennadi Aigi. Ar c'henavezo diwezhañ ha barzhonegoù all. Teskad barzhonegoù troet gant Alan Botrel, Gwendal Denez, Koulizh Kedez hag André Markowicz, Skrid, 1994.
• Anna Ac'hmatova, Requiem, (teiryezhek), troet gant André Markowicz ha Koulizh Kedez, 1997 ;
• Fiodor Dostoievski, Hunvre un den lu, troet diwar ar ruseg gant Andre Markowicz ha Yann Varc'h Thorel, Embannadurioù an Treizher, 15 straed François-Louis Blons, 22 260 Plouzeniel, 2006.

Troidigezhioù diwar ar brezhoneg

Troet en deus Ar Basion Vras, kanet gant Annie Ebrel, e galleg. N'ouzer ket pelec'h eo bet embannet nag ar skrid brezhonek nag an hini gallek .

Liammoù diavaez

• Pennad-kaoz gant an troour e lec'hienn Carla Bruni-Sarkozy.